ۋاقىت تالابىنا ساي ءبىلىم الىپ, ەڭبەك ەتكەن ورتاسىنىڭ سەنىمىنە كىرۋ ۇلكەن مۇمكىندىكتەر جولىن اشاتىنى ناقتى ومىردە سان مارتە دالەلدەنگەن. بۇل رەتتە تالدىقورعان قالاسىنىڭ تۇبىندەگى وتەناي اۋىلىنىڭ تۇرعىنى رۋستام نيزاموۆ سىندى ازاماتتى كوپكە ۇلگى تۇتۋعا بولادى. 2008 جىلى قارجىگەر ماماندىعى بويىنشا تالدىقورعان گۋمانيتارلىق-ەكونوميكالىق كوللەدجىنە سىرتتاي وقۋعا ءتۇسىپ, اتالعان وقۋ ورنىن 2010 جىلى بىتىرگەن سوڭ, «ان-سايدكا» جەكە كاسىپورنىنا قاتارداعى ەسەپشى بولىپ جۇمىسقا ورنالاسقانىمەن اتالعان ۇجىمنىڭ ارەكەتى قىسقارعاندىقتان جۇمىستان بوساتىلىپ قالعان ەدى
ۋاقىت تالابىنا ساي ءبىلىم الىپ, ەڭبەك ەتكەن ورتاسىنىڭ سەنىمىنە كىرۋ ۇلكەن مۇمكىندىكتەر جولىن اشاتىنى ناقتى ومىردە سان مارتە دالەلدەنگەن. بۇل رەتتە تالدىقورعان قالاسىنىڭ تۇبىندەگى وتەناي اۋىلىنىڭ تۇرعىنى رۋستام نيزاموۆ سىندى ازاماتتى كوپكە ۇلگى تۇتۋعا بولادى. 2008 جىلى قارجىگەر ماماندىعى بويىنشا تالدىقورعان گۋمانيتارلىق-ەكونوميكالىق كوللەدجىنە سىرتتاي وقۋعا ءتۇسىپ, اتالعان وقۋ ورنىن 2010 جىلى بىتىرگەن سوڭ, «ان-سايدكا» جەكە كاسىپورنىنا قاتارداعى ەسەپشى بولىپ جۇمىسقا ورنالاسقانىمەن اتالعان ۇجىمنىڭ ارەكەتى قىسقارعاندىقتان جۇمىستان بوساتىلىپ قالعان ەدى. بىردەن تالدىقورعان قالالىق جۇمىسپەن قامتۋ ورتالىعىنا بارىپ تىركەلىسىمەن, 2012 جىلدىڭ اقپانىندا «بەتا-اس» جاۋاپكەرشىلىگى شەكتەۋلى سەرىكتەستىگىنە ەڭبەكاقىنى سۋبسيديالاۋ جونىندەگى ەسەپشى قىزمەتى ۇسىنىلدى.
«جۇمىسپەن قامتۋ-2020» مەملەكەتتىك باعدارلاماسى باعىمدى اشتى. مۇمكىندىكتى جىبەرىپ الماس ءۇشىن ءارى انا سۇتىمەن سىڭگەن ءمىنەزىممەن الدىما ءبىلىمىمدى ۇشتاۋ, ارىپتەستەرىمنىڭ سەنىمىنە كىرۋ ماقساتىن قويدىم. شىنىمدى ايتسام, ءار قادامىما قۋانىپ وتىراتىن انام قالالىق ءيا بولماسا جەكە ادامنىڭ مەنشىگىندەگى باسىلىم ەمەس, ەل گازەتى «ەگەمەننىڭ» نازارىنا ىلىنگەنىمە ءتىپتى, مارقاياتىن بولدى. ءدال قازىر اناما تەلەفون سوعىپ قۋانتامىن», دەدى بۇگىندە «STAM MELEZEMS» نەمىس كومپانياسىندا ەڭبەك ەتەتىن رۋستام نيزاموۆ.
وبلىس ورتالىعىنا ءتيىپ تۇرعان اۋىلدا جەكە مەنشىك تۇرعىن ۇيىندە جولداسى ەكەۋى 4 ايلىق ءسابيىن ءوسىرىپ, جۇمىس ورنىنا دا, اراسىندا تاپسىرىس بەرۋشى مەكەمەلەرگە دە قوعامدىق كولىكپەن قاتىناسىپ, ەڭ باستىسى, ايتقان ۋاقىتىنان كەشىكپەي جەتىپ جۇرگەن ازاماتقا ارىپتەستەرى رازى. ەل سەنىمىنە كىرگەندىگى سول ەسەپ-قيساپ جۇمىسى بويىنشا تاپسىرىس بەرۋشىلەر سانى ارتۋدا. زامان تالابىنا ساي كومپيۋتەر ءتىلىن دە جاقسى يگەرىپ, جاڭا باعدارلامالاردى تەز مەڭگەرەتىندىگى سونىڭ ءبىر دالەلى بولىپ سانالادى. ەڭ باستىسى, ەل سەنىمىنە كىردى. بۇگىندە ايلىق جالاقىسى ورتاشا العاندا 45 مىڭ تەڭگە. تابىس كوزىن اشاتىن تۇراقتى جۇمىس ورنى بار ءارى قوسىمشا تاپسىرىس تا قابىلداپ قاراجات تابۋدا. ءسويتىپ, مەملەكەتتىك باعدارلاما ارقىلى ۇلكەن مۇمكىندىكتەرگە جول اشا بىلگەنى اۋىلداستارىنا ۇلگى ءارى انا ماقتانىشى بولدى.
نۇربول الدىباەۆ,
«ەگەمەن قازاقستان».
تالدىقورعان.
