رۋحانيات • 21 اقپان، 2020

مۋزەي قورى تولىقتى

23 رەتكورسەتىلدى

قارۋلى كۇشتەردىڭ اسكەري-تاريحي مۋزەيىندە اۋعانستان جانە جەرگىلىكتى سوعىس ارداگەرلەرى وداعىنىڭ جانە نۇر-سۇلتان قالاسىنداعى مەملەكەتتىك ءارحيۆتىڭ ۇيىتقى بولۋىمەن كەڭەس اسكەرىنىڭ اۋعانستان اۋماعىنان شىعارىلعانىنا 31 جىل تولۋىنا وراي «ولار اسكەري بورىشىن وتەدى...» تاقىرىبىندا كورمە ءوتتى.

 

كورمەنى ۇيىمداستى­رۋ­داعى ماقسات – اۋعان سو­­عىسى ارداگەرلەرىنىڭ ەر­لىگىن ناسيحاتتاپ، ومىر­دەن وزعان جا­ۋىنگەر­لەر­دىڭ رۋحىنا تاعزىم ەتۋ، كەلۋ­شىلەردى مۋزەي تىنىسىمەن تانىستىرۋ.

– مايدانگەر ازامات­تار – جاستارىمىزدى وتان­­سۇيگىشتىككە باۋلي­تىن بىردەن-ءبىر مەكتەپ سا­نالادى. اۋعان سوعى­سى­نىڭ ارداگەرلەرى – ەكىن­شى دۇنيەجۇزىلىك سوعى­سىن كورگەن اقساقالدارى­مىز­­دىڭ لايىقتى ءىزبا­سار­لارى. سىزدەردىڭ ەرلىك­تەرىڭىز ارقاشان ەل ەسىندە ساقتالماق. اۋعان سوعىسى – بۇكىل ءبىر بۋىن ءۇشىن ناعىز سى­ناق بولدى. جۇزدەگەن انا ۇلدارىنان ايىرىلىپ، قارا جامىلدى. وسىناۋ كۇنى سىزدەردىڭ ەرەن ەرلىكتەرىڭىز ءۇشىن شى­­­­نايى العىسىمدى بىل­دى­رە­مىن. قايتپاس قايس­ار­لىق پەن ەل سۇيسىنەر جى­گەر تا­­نىت­­تىڭىزدار. ماي­دان دا­لا­سىنان امان ورال­ماعان جا­ۋىنگەرلەردى ۇنە­مى ەستە ساقتايمىز. بۇل كورمە اۋعان سوعىسى تاري­حىنان تولاعاي سىر شەر­تەدى دەپ بىلەمىن، – دە­دى قا­رۋلى كۇشتەردىڭ اس­كەري-تا­ريحي مۋزەيىنىڭ باس­تىعى، پود­پولكوۆنيك نۇرتازا اسىلوۆ.

وتكەن تاريحقا ۇڭىلەتىن بولساق، اۋعان سوعىسىنا قا­زاق­ستاندىق 22269 ازامات ات­تانىپ، ونىڭ 929-ى اجال قۇ­رىعىنان قۇتىلا الماعان ەكەن. 1015 جاۋىن­گەر مۇ­گە­دەك اتان­­دى. بۇگىندە ەلى­مىزدە اۋعان سوعىسىنىڭ 16 مىڭ­­نان استام ارداگەرى قا­لىپتى. جىل ساناپ ولاردىڭ دا قا­تارى سەلدىرەپ بارادى.

– وسى ءىس-شارانى ۇي­ىم­­داستىرۋشىلارعا شى­­­نايى العىسىمدى بىل­دىرەمىن. ۇل­كەن جۇ­مىس ات­قا­رىلدى. ەن­دىگى كە­زەكتە، مايدان دا­­لا­سىندا باتىرلىق تا­­نىت­قان قازاقستاندىق ازا­مات­تاردىڭ ەرلىگىن ەرەكشە ايتقىم كەلەدى. ولار باتىر بابالارىنىڭ لايىقتى جال­عاسى ەكەنىن دالەلدەدى. بۇگىنگى كورمەنىڭ ءار بول­شەگى سول سوعىستان سىر شەر­­تىپ، وعان قاتىسقان وتان­داس­تارىمىزدىڭ جان­قيارلىق ەرلىگىن ەسكە سا­لا­تىن بولا­دى. ولاردى ماڭگى ەستە ساق­تاۋىمىز قا­جەت. سەبەبى ءوز تا­ريحىن بىلمەيتىن ادامنىڭ بولاشاعى دا بۇلدىر بول­ماق. بۇل ءسوزدى بۇگىنگى كور­مەگە كەلگەن جاستارعا قا­راتا ايتىپ وتىرمىن، – دەدى «ەركىن اۋعاندىقتار» رەسپۋبليكالىق قوعامدىق بىر­لەستىگى توراعاسىنىڭ ءبى­رىنشى ورىنباسارى قايرات ەلۋباەۆ.

كورمە بارىسىندا سو­عىستا ءۇش جىل قىزمەت ەتىپ، تالاي جارالى جاۋىن­گەرگە قول ۇشىن سوزعان، ومىر­لەرىنە اراشا تۇسكەن ەر­جۇرەك مەدبيكە راۋزا ەرە­جەپوۆانىڭ جەكە زاتتارىن، فوتوسۋرەتتەرىن، مەدالدارى مەن گراموتالارىن، كۋالىكتەرىن، اۋعان كيتەلى جانە تاعى دا باسقا زاتتارىن ۇرپاقتارى اتالعان مۋزەي قورىنا تابىستادى.

– مەن راۋزا ەرەجە­پو­ۆانىڭ تۋعان باۋىرىمىن. ونىڭ مايداندا تا­نىت­قان قاھارماندىعى ءۇشىن بەرىلگەن وردەنى، «ەر­لىگى ءۇشىن» مەدالى بار. اۋعان حال­قىنىڭ اتىنان، ينگۋ­شەتيا پرەزيدەنتىنىڭ اتى­نان تاپ­سىرىلعان وز­گە دە ماراپاتتاردى تىل­گە تيەك ەتۋگە بولادى. سوعىس­تان ورالعان سوڭ ول كوك­شەتاۋ قالاسىندا ەڭ­بەك ەتىپ، مۇگەدەكتەرگە، سو­عىس ارداگەرلەرىنە جار­دەم­دەستى. وكىنىشتىسى سول، وت­كەن جىلى جەلتوقساندا راۋزادان ايىرىلىپ قالدىق. بيىل 18 اقپاندا ول نە­بارى 57 جاس­قا قادام جاسار ەدى، – دەدى اۋعانستان جانە جەرگىلىكتى سوعىس ارداگەرلەرىنىڭ وداعى توراعاسىنىڭ كەڭەسشىسى امانگەلدى تاشمۇحانوۆ.

8

سوڭعى جاڭالىقتار

ۇقساس جاڭالىقتار