پارلامەنت سەناتىنىڭ دەپۋتاتى سۆەتلانا جالماعامبەتوۆا اقمولا وبلىسىنىڭ ەسىل قالاسىندا ءماسليحات دەپۋتاتتارىمەن كەزدەستى.
ەسىل قالاسىندا اۋدان تۇرعىندارى وزدەرىن تولعاندىرعان ماسەلەلەر تۋرالى اڭگىمەلەدى. ولاردىڭ ىشىندە جاڭا ەمحانا سالۋ قاجەتتىگى دە ايتىلدى. حالىقتى ساپالى اۋىزسۋمەن قامتاماسىز ەتۋ ماسەلەسى دە جەدەل شەشۋدى قاجەت ەتەدى.
پارلامەنت سەناتىنىڭ دەپۋتاتى سۆەتلانا جالماعامبەتوۆا اقمولا وبلىسىنىڭ ەسىل قالاسىندا ءماسليحات دەپۋتاتتارىمەن كەزدەستى.
ەسىل قالاسىندا اۋدان تۇرعىندارى وزدەرىن تولعاندىرعان ماسەلەلەر تۋرالى اڭگىمەلەدى. ولاردىڭ ىشىندە جاڭا ەمحانا سالۋ قاجەتتىگى دە ايتىلدى. حالىقتى ساپالى اۋىزسۋمەن قامتاماسىز ەتۋ ماسەلەسى دە جەدەل شەشۋدى قاجەت ەتەدى.
الداعى استىق جيناۋ تاقىرىبى دا وزەكتى ماسەلەلەردىڭ قاتارىندا بولىپ وتىر. شارۋالاردى استىقتى جونەلتۋ, ارزان ديزەل وتىنىمەن ءجانە استىق تاسىمالداۋشى كولىكتەرمەن قامتاماسىز ەتۋ ماسەلەلەرى تولعاندىرادى.
سەناتور س.جالماعامبەتوۆا ەندى بۇلاندى, جارقايىڭ, قورعالجىن, ەگىندىكول, جاقسى اۋداندارى مەن كوكشەتاۋ قالاسىنىڭ ءماسليحاتتارىنىڭ سەسسياسىنا قاتىسۋدى جوسپارلاپ وتىر.
اقمولا وبلىسى.
____________
پارلامەنت سەناتى الەۋمەتتىك-مادەني دامۋ كوميتەتىنىڭ توراعاسى اقان بيجانوۆ الماتىدا «لوكوموتيۆ» اق ۇجىمىمەن كەزدەستى.
ەكى جۇزگە جۋىق ادام قاتىسقان كەزدەسۋدە ەل ەكونوميكاسىن, ونىڭ ىشىندە كولىك ينفراسترۋكتۋراسىن ودان ءارى دامىتۋ ماسەلەلەرى قارالدى. تاۋەلسىزدىكتەن بەرگى جىلداردا الماتىنىڭ وزىندە عانا 20-دان استام جولايرىقتار تۇرعىزىلعان. 2013 جىلى تاعى دا 6 جولايرىقتىڭ قۇرىلىسى اياقتالسا, بۇل – الماتىنىڭ كوشەلەرىندەگى جولاۋشىلاردىڭ ءجۇرىپ-تۇرۋ مۇمكىندىگىن الدەقايدا جاقسارتارى انىق.
ا.بيجانوۆ قالا حالقى ريزاشىلىقپەن جوعارى باعالاعان مەترو قۇرىلىسىنىڭ العاشقى كەزەڭى تابىسپەن جۇزەگە اسىپ, ەندى كەلەسى جىلدىڭ ورتاسىنا قاراي اياقتالۋعا ءتيىستى ەكى بەكەتتىڭ قۇرىلىسى جۇرگىزىلىپ جاتقانىن ايتتى.
سەناتور كەزدەسۋگە كەلگەن جۇرتتىڭ كوپتەگەن سۇراقتارىنا جاۋاپ بەرە كەلىپ: «وتكەن سەسسيا بارىسىندا سەنات 96 زاڭ قابىلدادى. زاڭ شىعارۋشىلىق قىزمەتىمىزدەگى باستى ەرەكشەلىك – زاڭ جوبالارىنىڭ باسىم بولىگى ەلباسىنىڭ «قازاقستان-2050» ستراتەگياسى قامتىلعان جولداۋىندا جۇكتەلگەن مىندەتتەرمەن ۇيلەسەدى. قابىلدانعان زاڭدار يندۋستريالىق-يننوۆاتسيالىق ساياساتتى جۇزەگە اسىرۋعا, مەملەكەتتىك قىزمەتتى, سوت جانە قۇقىق قورعاۋ جۇيەلەرىن رەفورمالاۋعا, ءبىلىم بەرۋدى دامىتۋعا باعىتتالىپ, حالىقتى الەۋمەتتىك قامسىزداندىرۋدى قامتىدى», – دەپ اتاپ ءوتتى.
سونداي-اق, ا.بيجانوۆ «الماتى جارناما» مكك جانە ازاماتتاردى الەۋمەتتىك بەيىمدەۋ ورتالىعىنىڭ ەڭبەك ۇجىمدارىمەن دە كەزدەستى.
الماتى.
_________
پارلامەنت ءماجىلىسىنىڭ دەپۋتاتى, «نۇر وتان» حدپ فراكتسياسىنىڭ مۇشەسى ايگۇل نۇركينا پاۆلودار وبلىسىنداعى ساپارى كەزىندە تۇرعىن ۇيمەن قامتۋ ماسەلەسىمەن تانىستى.
دەپۋتات «قولجەتىمدى باسپانا-2020» مەملەكەتتىك باعدارلاماسى اياسىندا سالىنىپ جاتقان ءۇش تۇرعىن ءۇي قۇرىلىسىندا بولدى. نىسانداردىڭ جالپى كولەمى – 26 166 شارشى مەتر, قۇرىلىستىڭ قۇنى 2 368 ميلليون تەڭگەنى قۇرايدى. بارلىق پاتەرلەر تازا, ارلەنگەن تۇرىندە پايدالانۋعا ەنگىزىلەدى.
اتالعان قۇرىلىس باستالعاندا, وندا پارتيالىق باقىلاۋ بەكەتتەرى اشىلعان. ايگۇل نۇركينا ولاردىڭ جۇمىسىمەن دە تانىستى. كوتەرىلگەن وزەكتى ماسەلەلەردىڭ اراسىندا قۇرىلىس ماتەريالدارىنىڭ قىمباتتاۋى, تاعى باسقالار بار. دەگەنمەن, وسى جىلدىڭ كۇزىندە ەكى تۇرعىن ءۇيدىڭ قۇرىلىسى اياقتالىپ, پايدالانۋعا ونىڭ 11 894 شارشى مەترىن بەرۋ جوسپارلانىپ وتىر. بۇل كوپتەگەن وتباسىلاردىڭ جاڭا باسپاناعا يە بولۋىنا مۇمكىندىك بەرەدى.
بۇگىندە پاۆلوداردا «قولجەتىمدى تۇرعىن ءۇي-2020» باعدارلاماسى بويىنشا جالپى كولەمى 49 161 شارشى مەتردى قۇرايتىن 7 نىسان سالىنۋدا.
پاۆلودار وبلىسى.
