تابيعي مونوپوليالاردى رەتتەۋ كوميتەتى وبلىستىق دەپارتامەنتىنىڭ باسشىسى اقان تاشپانوۆ ەلەكتر قۋاتىنىڭ قىمباتتاۋ سەبەبىن ءتۇسىندىردى. ونىڭ ايتۋىنشا, مۇنداي شەشىم ەلەكتر ەنەرگياسىنىڭ شەكتى ءتاريفىنىڭ ءوسۋى مەن تاسىمالداۋعا كەتەتىن شىعىنداردىڭ كوبەيىپ كەتۋىنە بايلانىستى قابىلدانىپ وتىر.
– بىزگە «قوستاناي ەنەرگو تسەنتر» جشس-نەن 2020 جىلدىڭ 1 اقپانىنان باستاپ 1 كۆت/س ەلەكتر قۋاتىنىڭ باعاسى, قوسىمشا سالىق قۇنىن قوسپاعاندا, 17,64 تەڭگەدەن 18,97 تەڭگەگە دەيىن وسەتىنى تۋرالى حابار كەلىپ ءتۇستى. وسىعان بايلانىستى اشىق تالقىلاۋ وتكىزدىك. وعان مەملەكەتتىك ورگانداردىڭ, تۇتىنۋشىلار مەن قوعامدىق بىرلەستىكتەردىڭ وكىلدەرى, تاۋەلسىز ساراپشىلار قاتىستى. ناتيجەسىندە, 1 كۆت/س ەلەكتر قۋاتىنىڭ باعاسى, قوسىمشا سالىق قۇنىن قوسپاعاندا, 18,92 تەڭگە بولىپ بەلگىلەندى. الداعى ايدان باستاپ جەكە تۇلعالار 1 كۆت/س ەلەكتر قۋاتى ءۇشىن 14,6 تەڭگە, ال زاڭدى تۇلعالار 23,3 تەڭگە تولەيتىن بولادى, – دەدى دەپارتامەنت باسشىسى.
نۇرقانات قۇلاباي,
«Egemen Qazaqstan»
قوستاناي
