شىعىس قازاقستان وبلىسى بەسقاراعاي اۋدانىنىڭ پوليتسەيلەرى ءبىر باقتاشى جىگىتتى ولتىرگەن باقتاشى ايەلدى وقيعانىڭ ءىزىن سۋىتپاي قولعا ءتۇسىردى. بۇل تۋرالى Altaynews.kz ءتىلشىسى حابارلادى.
قايعىلى وقيعا تامىزدىڭ 7-ءسى كۇنى شامامەن ساعات 16:00-دە بولعان. ەكى باقتاشىنىڭ بىرگە اراق ىشۋلەرىنىڭ سوڭى وسىنداي قىلمىسقا اپارىپ جەتكىزگەن.
شارۋا قوجالىعىنىڭ 55 جاستاعى يەسى ءوز باقتاشىسىنىڭ ءولى دەنەسىن اس ۇيدەن كورىپ قالادى. ولىكتى كورگەن بويدا ول پوليتسياعا حابار سالادى. اۋداندىق ىشكى ىستەر ءبولىمى تەرگەۋ-جەدەل ىزدەستىرۋ توبى قىزمەتكەرلەرىنىڭ شۇعىل ۇيىمداستىرعان جۇمىستارىنىڭ ارقاسىندا قىلمىستى جاساعان ادام تەز ارادا ۇستالدى. ول وسى شارۋا قوجالىعىندا جالدانىپ جۇمىس ىستەپ جۇرگەن 39 جاستاعى باقتاشى ايەل بولىپ شىقتى.
انىقتالعانداي, وقيعا ەكەۋىنىڭ اس ۇيدە تۇسكى تاماقتانۋ كەزىندە بىرلەسىپ اراق ىشۋلەرىنەن كەيىن وربىگەن. قىزىپ قالعان بۇلار الدىمەن سوزبەن ىلىنىسەدى. ال سوڭى تىكەلەي توبەلەسكە ۇلاسىپ كەتەدى. سول ارپالىستىڭ ۇستىندە ايەلدىڭ قولىنا اس ءۇي پىشاعى ءىلىنىپ, ول سونىمەن 40 جاسار ەركەكتىڭ كەۋدە تۇسىنان ۇرادى. وسى العان جاراقاتى سالدارىنان جىگىت وقيعا بولعان جەردە جان-ءتاسىلىم ەتەدى.
قازىر پوليتسەيلەر قىلمىستى ايەلدى ۋاقىتشا ۇستاۋ وقشاۋلاعىشىنا وتىرعىزىپ قويدى. وعان قىلمىستىق كودكستىڭ 96-بابى 1-بولىگىمەن ايىپ تاعىلماقشى.
قۇرىش نۇرىمبەت.
