قازاقستان • 15 اقپان، 2020

قازۇۋ-دا ساۋد ارابياسىمەن بىرلەسكەن عىلىمي-تەحنولوگيالىق القاپتى قۇرۋ جوباسى تالقىلاندى

29 رەتكورسەتىلدى

ساۋد ارابياسى قازۇۋ-دا عىلىمي-تەحنولوگيالىق القاپتى قۇرۋ جوباسىن جۇزەگە اسىرۋعا قاتىسادى. بۇل جايىندا كەلىسىم قازاقستاندىق جەتەكشى جوو رەكتورى اكادەميك عالىم مۇتانوۆتىڭ ساۋد ارابياسى عىلىم جانە يننوۆاتسيا ءمينيسترىنىڭ ورىنباسارى ناسسەر مۇحاممەد ءال-اكيلمەن كەزدەسۋىندە ءمالىم بولدى دەپ حابارلايدى  الماتى قالاسى «رۋحاني جاڭعىرۋ» جوبالىق ءوفيسى.

ساپار بارىسىندا ساۋد ارابياسىنىڭ عىلىم جانە يننوۆاتسيا ءمينيسترىنىڭ ورىنباسارى قازۇۋ-دىڭ عىلىمي-ءبىلىم بەرۋ جانە يننوۆاتسيالىق قىزمەتى، عىلىمي جوبالارى، ورتالىقتارى جانە زەرتحانالارىمەن تانىستى. ناسسەر مۇحاممەد ءال-اكيل ۋنيۆەرسيتەت ينفراقۇرىلىمىنىڭ اۋقىمدىلىعى مەن دامۋىن ەرەكشە اتاپ ءوتتى. ونىڭ پىكىرىنشە، بۇل اسىرەسە جوعارى تەحنولوگيالار سالاسىندا زاماناۋي تالاپتارعا ساي جانە جانە كاسىپكە وڭتايلى كەلەدى.

تەحنوپاركى پەن سۋپەركومپيۋتەرى بار زاماناۋي حالىقارالىق IT-كلاستەر يادروسى بولاتىن، جاڭا تەحنولوگيالار مەن يننوۆاتسيالاردى دامىتۋ سالاسىندا الەم ۋنيۆەرسيتەتتەرىنىڭ ىنتىماقتاستىعىنىڭ جاڭا پلاتفورماسى – ءال-فارابي عىلىمي-تەحنولوگيالىق القابىن قۇرۋ جوباسى قوناقتاردىڭ ۇلكەن قىزىعۋشىلىعىن تۋدىردى. ءمينيستردىڭ ورىنباسارى ونى جۇزەگە اسىرۋعا ساۋد ارابياسىنىڭ ۋنيۆەرسيتەتتەرىن، سونداي-اق عىلىمي-تەحنولوگيالىق القاپ ينفراقۇرىلىمىن دامىتۋ مەن زەرتتەۋ جوبالارىن قارجىلاندىرۋ ءۇشىن ينۆەستورلاردى تارتۋعا دايىن ەكەندىكتەرىن ايتتى. ەكى جاقتى مۇددەلىلىكتى ەسكەرە وتىرىپ، تاراپتار كوللابوراتسيا باعىتتارىن تىڭعىلىقتى تالقىلاۋ ءۇشىن قازۇۋ جانە ساۋد كورولدىگى ۋنيۆەرسيتەتىنىڭ ماماندارى مەن عالىمدارىنان جۇمىس توبىن قۇردى. جاقىن ارادا عارىشتىق تەحنولوگيالار، IT جانە بيوتەحنولوگيا، حيميا جانە فيزيكا، نانوتەحنولوگيالار جانە باسقا سالالارداعى جوبالاردى ىسكە اسىرۋ بويىنشا بىرلەسكەن زەرتتەۋ ورتالىقتارىن قۇرۋ جوسپارى بەلگىلەندى.

الماتى

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار