قازاقستان كينەماتوگرافيستەر وداعىندا جانجال قىزىپ كەلەدى. ۇيىمنىڭ بىرقاتار مۇشەلەرى وداقتىڭ قازىرگى باسشىسى – ەڭبەگى سىڭگەن ونەر قايراتكەرى يگور ۆوۆنيانكونىڭ وتستاۆكاعا كەتۋىن تالاپ ەتۋدە. بۇل تۋرالى «31 ارنا» حابارلادى.
شىعارماشىلىق زيالى قاۋىم وكىلدەرى ۆوۆنيانكو بۇل ورىندا زاڭسىز وتىر دەپ ەسەپتەيدى. سەبەبى, سوڭعى سايلاۋدا ول قاجەتتى داۋىستى الا الماعان كورىنەدى.
بۇدان باسقا, وداق مۇشەلەرى بۇل ادام تىزگىندى ۇستاعان ۋاقىتتا الماتىداعى كينو ءۇيى ءوز ماقساتىندا پايدالانىلۋدان قالدى دەپ وتىر.
«ءبىز ونىڭ نەلىكتەن تىستەي قاتىپ, ورنىنان كەتكىسى كەلمەيتىنىن ەندى تۇسىنە باستادىق. سويتسەك, سوڭعى ءتورت جىلدان بەرى كينو ءۇيىن, كەلەسى جىلى تۋعانىنا 100 جىل تولاتىن شاكەن ايمانوۆتىڭ ءۇيىن گەي-كلۋبقا جالعا بەرىپ كەلە جاتىر ەكەن», - دەدى جۋرناليستەرگە رەجيسسەر بولات ءشارىپ.
اشۋعا مىنگەن كينەماتوگرافيستەر قايتا سايلاۋ وتكىزۋگە كۇش سالعان. توراعا بۇعان كەلىسپەگەسىن, وسى بىلىقتىڭ ءبارىن سىرتقا شىعارۋعا شەشىم ەتكەندەرىن مالىمدەدى.
سوعان قاراماستان, بۇلار جاڭا سەزد وتكىزىپ, جاڭا توراعا سايلاپ الىپتى. بىراق يگور ۆوۆنيانكو سوندا دا ورنىنان كەتەر ەمەس. ول بارلىعىن سوت شەشەدى دەپ وتىرعان سىڭايلى.
مۇرات ايتقوجا.
