ستاتيستيكا دەرەكتەرى بويىنشا الماتى قالاسىنداعى حالىق سانى 1 909,5 مىڭ ادامدى قۇرايدى, ونىڭ ىشىندە ايەلدەر (54%) - 1 031 مىڭ, ايەلدەردىڭ ورتاشا جاسى - 35,2 جاس. ايەلدەردىڭ كۇتىلەتىن ءومىر ءسۇرۋ ۇزاقتىعى 78 جاستى قۇرايدى. جۇمىسپەن قامتىلعان حالىقتىڭ ىشىندە ايەلدەر - 52% قۇرايدى. ال شوب-تا تىركەلگەن زاڭدى تۇلعالاردىڭ 32% - ىن ايەلدەر باسقارادى.
وتكەن جىلى قازاقستان ايەلدەر كۇشتەرىنىڭ اليانسى الماتى قالاسى اكىمدىگىنىڭ قولداۋىمەن زەرتتەۋ جۇرگىزدى. الەۋمەتتىك زەرتتەۋ نەگىزىندە «قازاقستانداعى ايەلدەردىڭ جاعدايىن جاقسارتۋ جونىندەگى جول كارتاسى» ازىرلەندى.
جۇرگىزىلگەن جۇمىستىڭ ناتيجەلەرى بويىنشا الماتى قالاسىنداعى ايەلدەردىڭ جاعدايىنا قاتىستى مالىمەتتەر انىقتالىپ, قاجەتتىلىكتەرىنە سايكەس ۇسىنىستار ازىرلەندى. وسىعان بايلانىستى ايەلدەرگە ولاردىڭ قۇقىقتارى مەن ومىرلىك قيىن جاعدايلاردا كومەك كورسەتۋ جونىندە بىرىڭعاي سايت پەن بايلانىس ورتالىعىن قۇرۋ; الەۋمەتتىك كاسىپكەرلىكتى دامىتۋ باعدارلاماسىن ازىرلەۋ – ءونىمدى جۇمىسپەن قامتۋدىڭ قۇرالى رەتىندە, سونداي-اق الەۋمەتتىك كاسىپكەرلەردى قولداۋ جونىندە ينفراقۇرىلىم قۇرۋ (الەۋمەتتىك ينكۋباتورلار, الەۋمەتتىك دۇكەندەر, ساۋدا ورتالىقتارىندا الەۋمەتتىك جالعا الۋ, الەۋمەتتىك سورە جانە ت. ب.); ايەلدەردىڭ جەرگىلىكتى ءوزىن-ءوزى باسقارۋ دەڭگەيىندە ۇسىنىلۋىنا «50/50» قاعيداتى بويىنشا كۆوتالاردى بەكىتۋ; رەپرودۋكتيۆتى دەنساۋلىق ماسەلەلەرىن ءتۇسىندىرۋ بويىنشا حالىقتىڭ حاباردارلىعىن ارتتىرۋ; قوعامدا ايەلدەردىڭ مارتەبەسىن ارتتىرۋ جانە ء«Eńbegى janan arýlar» ۇرانىمەن جۇمىس ىستەيتىن ايەلدەردىڭ ءيميدجىن ناسيحاتتاۋ ماسەلەسىن ۇسىنىپ وتىر.
الماتى
