تۇرعىن ءۇي قۇرىلىسى بويىنشا جىلدىق جوسپاردىڭ 45 پايىزى ورىندالدى. بيىل «قولجەتىمدى باسپانا-2020» باعدارلاماسى اياسىندا 6,6 ملن. شارشى مەتردەن استام تۇرعىن ءۇي تاپسىرۋ كوزدەلگەن.
تۇرعىن ءۇي قۇرىلىسى بويىنشا جىلدىق جوسپاردىڭ 45 پايىزى ورىندالدى. بيىل «قولجەتىمدى باسپانا-2020» باعدارلاماسى اياسىندا 6,6 ملن. شارشى مەتردەن استام تۇرعىن ءۇي تاپسىرۋ كوزدەلگەن.
استانادا شىلدەدە 350-دەن استام جاڭا كاسىپورىن مەن ۇيىم اشىلدى. جاڭادان تىركەلگەن سۋبەكتىلەردىڭ نەگىزگى بولىگى الماتى جانە سارىارقا اۋداندارىندا شوعىرلانعان.
پاۆلودار وبلىسىندا «جايلاۋ» باعدارلاماسىنا 200 ملن. تەڭگە ءبولىندى. ونىڭ اياسىندا ءوڭىردىڭ اۋىل تۇرعىندارىنا قايتارۋ نەگىزىندە «ءبىر ادامعا – 100 باس قوي» باستاماسى بويىنشا قويلار بەرىلەدى. بەس جىل وتكەن سوڭ باعدارلامانىڭ ءاربىر قاتىسۋشىسى مەملەكەتكە 1 باسقا 2 قويدان قايتارۋى كەرەك.
جامبىل وبلىسىندا باتىس ەۋروپا-باتىس قىتاي كولىك ءدالىزىنىڭ جاڭا بولىگى ءىسكە قوسىلدى. 48 شاقىرىمدىق ارالىققا 2 كوپىر مەن 50-دەن استام سۋ وتكىزەتىن قۇبىر سالىندى.
ورازا ايتى كۇندەرى قوستاناي وبلىسىندا جاڭا مەشىت پايدالانۋعا بەرىلدى. قاشار كەنتىندە بوي كوتەرگەن قۇتحانانى مۇسىلمان قاۋىمىنا سوكولوۆ-سارىباي كەن-بايىتۋ وندىرىستىك بىرلەستىگى سالىپ بەردى.
جىل باسىنان بەرى الماتىداعى «مەدەۋ» ساياباعىنا 4460 اعاش وتىرعىزىلدى. ونىڭ 4160-ى قىلقان جاپىراقتى اعاش, 300-ءى قايىڭ.
قازاقستاندا جەر زاڭناماسى اياسىندا 2 210 زاڭ بۇزۋشىلىق انىقتالدى. وسىعان وراي 1895 وقيعا بويىنشا جالپى سوماسى 296 ملن. تەڭگە كولەمىندە ايىپپۇل تۇرىندە اكىمشىلىك ىقپال ەتۋ شارالارى قولدانىلدى. ال 273 جاعدايدا ەسكەرتۋ جاسالدى. سونىمەن قاتار 2011 جىلى سالىنعان 569 ايىپپۇلدىڭ بيىل 89,9 ملن. تەڭگەسى وتەلدى.
ەلىمىزدىڭ ءۇش ايماعىندا ورتالىقتاندىرىلعان سۋمەن قامتاماسىز ەتۋ تومەنگى قالپىندا قالىپ تۇر. اتاپ ايتقاندا, قازىر قىزىلوردا وبلىسىندا بۇل كورسەتكىش 55 پايىزدى, جامبىل وبلىسىندا 77 پايىزدى, بقو-دا 79 پايىزدى قۇراپ وتىر.
ورال قالاسىندا ەكى ادام ەسىرتكىمەن قولعا ءتۇستى. «كوكنار» جەدەل الدىن الۋ شاراسى بارىسىندا پوليتسەيلەر ولاردىڭ قالتالارىنان 1,23 جانە 1,86 گرامم گەروين تاركىلەدى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.
