كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ءبىلىم جانە عىلىم مينيسترلىگىنىڭ جاستار ءىسى كوميتەتى, «حالىقارالىق باعدارلامالار ورتالىعى» اق جانە «بولاشاق» قاۋىمداستىعىنىڭ, «نۇر وتان» حدپ ساياسي مەنەدجمەنت مەكتەبىنىڭ جانە «جاس وتان» جاستار قاناتىنىڭ ۇيىمداستىرۋىمەن شەتەلدەگى قازاقستان ستۋدەنتتەر ۇيىمدارىنىڭ ءىى سلەتى بولىپ ءوتتى.
كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ءبىلىم جانە عىلىم مينيسترلىگىنىڭ جاستار ءىسى كوميتەتى, «حالىقارالىق باعدارلامالار ورتالىعى» اق جانە «بولاشاق» قاۋىمداستىعىنىڭ, «نۇر وتان» حدپ ساياسي مەنەدجمەنت مەكتەبىنىڭ جانە «جاس وتان» جاستار قاناتىنىڭ ۇيىمداستىرۋىمەن شەتەلدەگى قازاقستان ستۋدەنتتەر ۇيىمدارىنىڭ ءىى سلەتى بولىپ ءوتتى.
ونىڭ جۇمىسىنا قازاقستاننىڭ اقش, ۇلىبريتانيا, اۆستريا, كانادا, قىتاي, رەسەي, چەحيا, يسپانيا, مالايزيا, كورەيا جانە تۇركياداعى 60 ستۋدەنتتىك ۇيىمداردان 300-دەن استام دەلەگات قاتىسۋدا. سونىمەن قاتار, سلەتكە جاستار ساياساتى بويىنشا وڭىرلىك باسقارمالار باسشىلارى, جاستار ۇيىمدارىنىڭ كوشباسشىلارى مەن بەلسەندىلەرى, مەملەكەتتىك قۇرىلىمداردىڭ, ءبىلىم بەرۋ, يندۋستريالىق-يننوۆاتسيالىق دامۋ, تەحنولوگيالار سالاسىنداعى قازاقستاندىق جانە حالىقارالىق كومپانيالاردىڭ وكىلدەرى مەن ستۋدەنت جاستار دا كەلىپ قوسىلدى.
اتالعان ءىس-شارانى وتكىزۋ ءوز كەزەگىندە شەتەلدەردەگى ستۋدەنت جاستار ۇيىمدارىنىڭ جۇمىسىن ۇيلەستىرۋگە وڭ ىقپالىن تيگىزۋى ءتيىس. شەتەلدىك جانە ەلىمىزدىڭ ستۋدەنت جانە جاستار ۇيىمدارىن شوعىرلاندىرۋ ارقىلى حالىقارالىق اقپاراتتىق الاڭ قۇرۋ وتە ماڭىزدى. سونىڭ ىشىندە شەتەلدە حالىقارالىق جاستار ىنتىماقتاستىعىن دامىتۋ, قازاقستاننىڭ مەملەكەتتىك جاستار ساياساتىن ىسكە اسىرۋ, ستۋدەنتتەر ۇيىمدارىنىڭ پروبلەمالارىن تالقىلاۋ, مەملەكەتتىك قولداۋ شارالارىن ازىرلەۋ, ستۋدەنتتىڭ ءوزىن-ءوزى ۇيىمداستىرۋىن دامىتۋ, اكادەميالىق جانە شىعارماشىلىق ۇتقىرلىقتى ارتتىرۋداعى جاستاردىڭ مىندەتى مەن ءرولى اڭگىمە بولماق.
وتىرىستا «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى باۋىرجان بايبەك, ءبىلىم جانە عىلىم ۆيتسە-ءمينيسترى مۇرات ورىنحانوۆ, «ۇلتتىق تەحنولوگيالىق دامىتۋ اگەنتتىگى» اق باسقارۋشى ديرەكتورى, «بولاشاق» قاۋىمداستىعى كەڭەسىنىڭ مۇشەسى جۇماتاي ءسالىموۆ ءسوز سويلەدى. الدىمەن ءسوز العان «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى ب.بايبەك ەلباسىنىڭ قولداۋىنىڭ ارقاسىندا 70 مىڭنان استام ستۋدەنت الىس-جاقىن شەتەلدەردە ءبىلىم الۋدا ەكەندىگىن اتاپ ءوتتى. وسى رەتتە ول ەلىمىز بەن شەتەلدىك جوعارى ءبىلىم وشاقتارىندا وقىپ جۇرگەن جاستاردىڭ ءبىلىمى قازىرگى زامان تالابىنا ساي ەكەندىگىنە دە توقتالدى.
«بولاشاقتا شەشىمىن كۇتكەن ماسەلەلەر كوپ. ونى ءناتيجەلى شەشۋ ءۇشىن ءبىلىمدى ءارى كوزقاراستارى كەڭ, پاتريوتتىق سەزىمدەرى جوعارى جاستار كەرەك. وزدەرىڭىزدىڭ بىلىمدەرىڭىزبەن ەلباسىنىڭ تىرەگى بولارسىزدار دەپ سەنەمىن», – دەپ قورىتتى ءسوزىن باۋىرجان قىدىرعالي ۇلى. ال ءبىلىم جانە عىلىم ۆيتسە-ءمينيسترى م.ورىنحانوۆ بىرقاتار وڭدى ناتيجەلەرگە توقتالدى. ونىڭ ايتۋىنشا, 2012 جىلدىڭ وزىندە عانا قازاقستاندىقتار تاراپىنان 1405 ماقالا حالىقارالىق عىلىمي جۋرنالداردا جارىق كورگەن. بۇل 2010 جىلمەن سالىستىرعاندا ەكى ەسەگە ارتىق, ال وسى جىلدىڭ ءبىرىنشى جارتىجىلدىعىندا جارىق كورگەن ماقالالاردىڭ سانى 968-گە جەتىپتى.
شەتەلدەگى ستۋدەنتتەردىڭ ءوزىن-ءوزى ۇيىمداستىرۋىنىڭ وزەكتى ماسەلەلەرى اقش-تاعى قازاقستاننىڭ ستۋدەنتتەر اليانسىنىڭ پرەزيدەنتى دياس جورابەكوۆتىڭ, شانحاي قالاسىنداعى «بولاشاق» ستۋدەنتتەر قاۋىمداستىعىنىڭ پرەزيدەنتى ءتىلەكتەس ادامبەكوۆتىڭ, ۇلىبريتانياداعى قازاقستان ستۋدەنتتەرى قاۋىمداستىعىنىڭ پرەزيدەنتى ءمادينا تومپيەۆانىڭ, ماسكەۋ قالاسىنداعى «اتامەكەن» قازاقستاندىق ستۋدەنتتەر بىرلەستىگىنىڭ توراعاسى ارمان بارمەنباەۆتىڭ سوزدەرىندە اتالدى.
بۇدان باسقا ءىس-شارا اياسىندا شەتەلدە وقىپ جاتقان جانە رەسپۋبليكالىق جاستار ۇيىمدارى مەن بىرلەستىكتەرىنىڭ ىسكەرلىك بايلانىستارى جولىمەن الەۋمەتتىك كاپيتالدى كەڭەيتۋ الەۋەتى «جاس وتان» جق ۇيىمداستىرعان دوڭگەلەك ۇستەلدە تالقىلاندى. سونىمەن قاتار, الەۋمەتتىك قورعاۋ, مادەنيەت پەن ونەر, تۋريزم مەن سپورت سالاسىنداعى, ونىڭ ىشىندە «G-Global» سۇحبات الاڭى ارقىلى جاستاردىڭ ىنتىماقتاستىق پەرسپەكتيۆالارى جاس بەلسەندىلەر مەن شاقىرىلعان ساراپشىلاردىڭ قاتىسۋىمەن وتكەن دوڭگەلەك ۇستەلدە جانە سۇحبات الاڭىندا تالقىعا ءتۇستى.
شارا اياسىندا «بولاشاق» قاۋىمداستىعى مۇشەلەرى ۇيىمداستىرعان «قازاقستاننىڭ ەڭبەك نارىعى جاعدايلارىندا مانساپتاردى جوسپارلاۋ», «بيزنەستى جۇرگىزۋ: ينۆەستيتسيالاردى تارتۋ», «
