«وكىنىشكە وراي, وسى قايعىلى وقيعا كەزىندە 10 ادام قازا تاۋىپ, 178 ادام زارداپ شەكتى. سونىمەن قاتار تۇرعىن ۇيلەر مەن كوممەرتسيالىق نىساندارعا, ازاماتتاردىڭ دۇنيە-مۇلكىنە زاقىم كەلتىرىلدى. وسى كۇندەرى بەردىبەك ساپارباەۆتىڭ توراعالىعىمەن قورداي اۋدانىندا وقيعا سالدارىن جويۋ جونىندەگى ۇكىمەتتىك كوميسسيا جۇمىس ىستەدى. وزدەرىڭىزگە ءمالىم, مەملەكەت باسشىسىنىڭ جارلىعىمەن بەردىبەك ماشبەك ۇلى ساپارباەۆ جامبىل وبلىسىنىڭ اكىمى بولىپ تاعايىندالدى. بەردىبەك ماشبەك ۇلى ۇكىمەتتىك كوميسسيانى ودان ارى باسقاراتىن بولادى», - دەدى پرەمەر-مينيستر ۇكىمەت وتىرىسىندا.
