العاش رەت قاراشىعاناق مۇناي-گاز كوندەنساتى كەن ورنىنىڭ ماڭىندا ورنالاسقان ءبورىلى اۋدانىنىڭ ورال ماڭى, جارسۋات جانە ۋسپەنوۆسك اۋىلدىق وكرۋگتەرىندە كونسۋلتاتيۆتىك كەڭەس قۇرۋ بويىنشا ىنتىماقتاستىق تۋرالى مەموراندۋمعا 2005 جىلى قول قويىلىپ, ءار بەس جىل سايىن جەرگىلىكتى ەلدى مەكەندى دامىتۋدى قولداۋ جونىندەگى باعدارلامانى بەكىتكەننەن كەيىن جاڭارتىلىپ وتىرادى.
اتالمىش مەموراندۋمنىڭ ماقساتى – قپو-نىڭ جەرگىلىكتى ەلدى مەكەندى دامىتۋدى قولداۋ جونىندەگى باعدارلامانى ورىنداۋى. اتالعان باعدارلامالار حالىقتىڭ الەۋمەتتىك قورعالماعان توپتارىن قولداۋعا باعىتتالعان. ول جەرگىلىكتى تۇرعىندار مەن باتىس قازاقستان وبلىسى ءبورىلى اۋدانى بيلىك ورگاندارى اراسىندا قۋاتتالدى.
حالىقپەن جۇمىس جونىندەگى ءبولىم باسشىسى ز.مۇزافاروۆا ىنتىماقتاستىق تۋرالى مەموراندۋم اياسىندا بيزنەس, بيلىك جانە قوعامنىڭ ءوزارا ءىس-قيمىلى جەرگىلىكتى تۇرعىندار مەن مەملەكەتتىك ورگانداردىڭ ۇزاق مەرزىمدى قارىم-قاتىناسىن دامىتۋعا سەپتىگىن تيگىزەدى دەپ اتاپ ءوتتى.
كەزدەسۋ كەزىندە ءبورىلى اۋدانىنىڭ اكىمى م.ساتقانوۆ: «بارلىق باعدارلامالار حالىق اراسىندا زور سۇرانىسقا يە بولدى جانە ولاردىڭ قاجەتتىلىگى ۋاقىت تالابى», دەپ اتاي كەلە, قپو جەرگىلىكتى قاۋىمداستىقتى دامىتۋ سالاسىنداعى اتقارىلعان جانە جوسپارلانعان جۇمىسىنا العىس ءبىلدىردى.
ارمان كۋساينوۆ
باتىس قازاقستان وبلىسى
