اتالعان مەكتەپتە تاعى ءبىر جاڭالىق ورىن الدى. اقش-تاعى ماسساچۋسەتس تەحنولوگيالىق ۋنيۆەرسيتەتىنىڭ ء(مىت) ستۋدەنتتەرى وكتاۆيو ۆەگا مەن ۆارشا ساندادي اقتاۋ قالاسىنداعى نازارباەۆ زياتكەرلىك مەكتەبىندە تاعىلىمدامادان ءوتتى. ءۇش اپتاعا سوزىلعان تاجىريبە بارىسىندا ستۋدەنتتەر مەكتەپ مۇعالىمدەرىمەن بىرگە كوماندالىق ساباقتار بەرىپ, مەكتەپتەگى بۇۇ مودەلى جۇمىسىن ۇيىمداستىرۋعا وقۋشىلارعا كومەك قولىن سوزدى, جوعارى سىنىپ وقۋشىلارىنا ماماندىق تاڭداۋ بويىنشا كەڭەس بەردى.
وكتاۆيو مەن ۆارشا – اقش-تاعى جەتەكشى ۋنيۆەرسيتەتتىڭ 2-كۋرس ستۋدەنتتەرى. ولار فيزيكا, ەلەكترونيكا جانە كومپيۋتەر عىلىمدارىن مەڭگەرەدى. اقش ستۋدەنتتەرى قازاقستانعا وقۋشىلاردىڭ جاراتىلىستانۋ-ماتەماتيكا باعىتىنداعى ءبىلىمىن كەڭەيتۋ, تەوريالىق ءبىلىمدى تاجىريبەدە قولدانۋعا باۋلۋ, سىني ويلاۋ قابىلەتىن دامىتۋ مەن مادەنيەتتانۋ باعىتىنداعى ءبىلىمىن ارتتىرۋعا باعىتتالعان MISTI Kazakhstan «Global Teaching Labs» جوباسى اياسىندا كەلگەن.
مەكتەپپەن ەتەنە جاقىن تانىسۋ ءۇشىن تاعىلىمدامادان ءوتۋشى جاستار مەكتەپىشىلىك شارالار مەن كەزدەسۋلەرگە بەلسەندى قاتىستى. سونىمەن قاتار وزدەرىنىڭ ءمىت جوعارى وقۋ ورنىنا ءتۇسۋ وقيعاسىن بايانداپ, ءتۇرلى كەڭەستەر بەردى.
– NIS وقۋشىلارى وتە ەڭبەكقور جانە ءورشىل, ءارتۇرلى اكادەميالىق جانە مەكتەپىشىلىك ەمەس باعدارلامالارعا, پاندەرگە قىزىعۋشىلىقتارى جوعارى. بارىنەن دە تاڭعالدىرعانى – بۇۇ مودەلى ۇيىمىنىڭ ۇلكەندىگى, اتقارىپ جاتقان جۇمىستارىنىڭ اۋقىمدىلىعى. سونىمەن قاتار وقۋشىلاردىڭ ءوزىن ءوزى باسقارۋ ۇيىمىنىڭ ءوز جۇمىستارىن ۇيىمداستىرۋى, ءتۇرلى شارالاردى جوسپارلاۋى ءتانتى ەتتى, – دەيدى وكتاۆيو ۆەگا.
قازاق مادەنيەتى مەن ادەت-عۇرپىمەن تانىستىرۋ ماقساتىندا مەكتەپ قوناقتارى جەرگىلىكتى وتباسىنا قونىستاندىرىلدى.
ماڭعىستاۋ وبلىسى
