ەكى باسقارمانىڭ قىزمەتكەرلەرى جۋىردا قىزىلجار اۋدانىنىڭ ورتالىعى بەسكول اۋىلىنداعى «پاراسات» مەكتەبىندە بولىپ قايتتى. ولار جول ءجۇرىسى ەرەجەلەرىن بىلۋگە ارنالعان سىنىپ ساعاتىن وتكىزدى جانە اۋىل شەتىندە تۇراتىن بالالاردى تاسىمالدايتىن اۆتوبۋستىڭ تەحنيكالىق جاي-كۇيىن, سالوندا ورتسوندىرگىش پەن ءدارى قوبديشاسىنىڭ, جۇرگىزۋشىدە قاجەتتى قۇجاتتاردىڭ بار-جوعىن تەكسەردى.
«مەكتەپ اۆتوبۋستارى سايكەس كەلۋى ءتيىس بىرقاتار تالاپتار بار, - دەيدى سقو پد جەرگىلىكتى پوليتسيا قىزمەتى باسقارماسىنىڭ ەرەكشە تاپسىرمالار جونىندەگى اعا ينسپەكتورى, پوليتسيا كاپيتانى ازامات جامۇقوۆ. – «ولاردا «بالالاردى تاسىمالداۋ» دەگەن تانۋ بەلگىسى مەن سارى ءتۇستى جارقىلداۋىق ماياگى بولۋى مىندەتتى. مۇنداي ماياكتار جۇرگىزۋشىلەرگە جول قوزعالىسىنىڭ باسقا دا قاتىسۋشىلارى الدىندا ارتىقشىلىق بەرمەيدى, تەك ججق 6-ت. سايكەس كەيبىر جول بەلگىلەرىنىڭ تالاپتارىن ورىنداماۋعا رۇقسات ەتىلەدى. مىسالى, جارقىلداۋىق ماياگى ىسكە قوسىلعان مەكتەپ اۆتوبۋسى «توقتاۋعا تىيىم سالىنعان» دەگەن بەلگىگە توقتاۋعا قۇقىعى بار. سونداي-اق ول باسقا دا كولىك قۇرالدارى جۇرگىزۋشىلەرىنىڭ نازارىن اۋدارتاتىن بەلگى بولىپ تابىلادى».
مەكتەپ باسشىلارىنا پاترۋلدىك پوليتسيا باتالونى قىزمەتكەرلەرىنىڭ ىلەسىپ ءجۇرۋىنسىز ەلدى مەكەندەردىڭ شەگىنەن تىس جەرگە بالالاردى تاسىمالداۋعا قاتاڭ تىيىم سالىنعانى ەسكەرتىلدى. ءوزارا ءىس-قيمىل جاساۋ الگوريتمى قاتاڭ جازىلعان جانە مۇقيات ساقتالۋى قاجەت.
جول قوزعالىسىنىڭ جاس قاتىسۋشىلارىنىڭ قاۋىپسىزدىگىن ساقتاۋ – جپق بولىنىستەرى جۇمىسىنىڭ ەرەكشە باعىتى بولىپ تابىلادى. ءتارتىپ ساقشىلارى كولىكتەردىڭ لەگى جيىلەگەن ساتتەردە ءبىلىم بەرۋ ۇيىمدارىنا جاقىن جولداردا كەزەكشىلىكتى كۇشەيتەدى, اكتسيالار مەن جەدەل-پروفيلاكتيكالىق ءىس-شارالاردى وتكىزەدى. «قاۋىپسىز مەكتەپ اۆتوبۋسى» اكتسياسى اياسىندا پوليتسەيلەر وبلىستىڭ بارلىق اۋداندارىنداعى مەكتەپ كولىكتەرىن تەكسەرۋدى جوسپارلاۋدا.
سولتۇستىك قازاقستان وبلىسى
