ادام قۇقىعىن ساقتاۋ – وڭ وزگەرىستەر وزەگى

بۇۇ-نىڭ ارنايى بايانداما­شى­سى قازاقستانداعى ادام قۇقىعىن ساقتاۋ سالاسىندا ايتارلىقتاي ىلگەرىلەۋ بار ەكەنىن اتاپ كورسەتتىجاقىندا جەنەۆادا بىرىككەن ۇلتتار ۇيىمىنىڭ ادام قۇقى جونىندەگى كەڭەسىنىڭ 13-ءشى سەسسياسى شەڭبەرىندە بۇۇ-نىڭ ادامنىڭ ار-نامىسىن اياققا باسۋ, ياعني ازاپتاۋ جانە باسقا دا قاتال قارىم-قاتىناس جاساۋ ماسەلەلەرى جونىندەگى ارنايى بايانداماشىسى مانفرەد نوۆاكتىڭ جىل سايىنعى بايانداماسىن تالقى­لاۋ بولىپ ءوتتى. ارنايى بايانداماشى ءوزىنىڭ حالىقارالىق مانداتى اياسىندا ادام قۇقىنىڭ ساقتالۋىنا باي­لانىستى جالپى شولۋ جاساپ, وعان باعاسىن بەردى. پروفەسسور م.نوۆاك بىرقاتار مەم­لەكەتتەرگە, ونىڭ ىشىندە 2009 جىلدىڭ مامىرىندا قازاقستانعا ساپارىنىڭ قورىتىندىلارىنا جەكە توقتالدى. ارنايى باياندا­ما­شى مالىمدەگەنىندەي, قازاقستاندا ازاپتاۋلاردىڭ الدىن الۋ جانە وعان قارسى تۇرۋ ماسەلەلەرىندە ايتار­لىقتاي پروگرەسس بايقالادى. ونىڭ پىكىرىنشە, قازاقستانداعى باس بوستاندىعىنان ايىرۋ ورىن­دارىندا جاعداي سوڭعى جىلدارى ايتارلىقتاي جاقسارعان, ازاپتاۋلار جۇيەلى بولىپ تابىلمايدى جانە كەڭ تارالعان سيپاتقا يە ەمەس. بۇرىنىراقتا ءوزىنىڭ اۆستريا اقپارات اگەنتتىگىنە بەرگەن سۇح­با­تىن­دا مانفرەد نوۆاك قازاق­ستان­داعى ادام قۇقى جونىندەگى جاعداي پوستكەڭەستىك ەلدەر ىشىندە جاقسى­لا­رىنىڭ ءبىرى ەكەنىن اتاپ وتكەن بولاتىن. وسى سەبەپتى, دەيدى ول, قا­زاقستان ەۋروپاداعى قاۋىپسىزدىك جانە ىنتىماقتاستىق ۇيىمىنا ءتور­اعالىققا لايىقتى سايلانىپ وتىر. بۇۇ-نىڭ ادام قۇقى جونىندەگى كەڭەسى قازاقستان ۇكىمەتى وكىلىنىڭ بۇۇ-نىڭ ازاپتاۋلارعا قارسى كوميتەتى مەن ارنايى بايانداما­شىسىنىڭ اتالعان ماسەلەگە باي­لانىستى ۇسىنىمدارىن جۇزەگە اسىرۋداعى قادامدارى تۋرالى اقپاراتىن وڭ قابىلدادى. قازاقستاننىڭ سوڭعى جىلدارى ازاپتاۋلارعا قارسى ءىس-قيمىلدارىن­دا وڭ وزگەرىستەر بار ەكەندىگى اتاپ كورسەتىلدى. مەملەكەت ادام قۇقى سا­لاسىنداعى 60-تان استام كوپجاقتى امبەباپ حالىقارا­لىق كەلىسىمدەردىڭ تولىققاندى قاتىسۋ­شىسى بولىپ تا­بىلادى. ازاپتاۋلارعا قارسى كون­ۆەنتسيا مەن وعان قاتىستى فاكۋل­تا­تيۆتىك حاتتامانىڭ راتيفيكا­تسيا­لانۋى  قازاقستاندا ازاپتاۋلاردى قولدانۋعا قارسى كۇرەس كۇش الا ءتۇسىپ كەلە جاتقاندىعىن كورسەتەدى. ارنايى بايانداماشى قازاقستان ۇكىمەتىنە بايانداما ءۇشىن قاجەت اقپاراتتاردى ۇسىنعانى, قولداۋ كور­سەتكەنى جانە ىنتىماقتاسقانى ءۇشىن ەرەكشە ريزاشىلىعىن ءبىلدىردى. ءوز كەزەگىندە قازاقستان ۇكىمەتى­نىڭ بۇۇ-نىڭ ادام قۇقىعى ءجونىن­دە­گى كەڭەسىمەن جان-جاقتى ىنتى­ماق­تاستىقتى ودان ءارى دامىتۋعا دايىن ەكەندىگى اتاپ كورسەتىلدى. ارنايى بايانداماشىعا بۇۇ كەڭەسىنىڭ ۇسىنىمدارىن ورىنداۋ بويىنشا قازاقستان ۇكىمەتى قولعا الىپ جاتقان شارالاردى باعامداۋ ءۇشىن قازاقستانعا تاعى دا ساپار جاساۋ تۋرالى ۇسىنىس جاسالدى. “ەگەمەن-اقپارات”.