قوعام • 05 اقپان، 2020

85 مىڭ ستۋدەنت جاتاقحاناعا مۇقتاج

29 رەتكورسەتىلدى

ەلباسى نۇرسۇلتان نازارباەۆ وسىدان ەكى جىل بۇرىن جاريالاعان ءوزىنىڭ بەس الەۋمەتتىك باستاماسىندا 2022 جىلدىڭ سوڭىنا دەيىن ستۋدەنتتەرگە ارناپ كەمىندە 75 مىڭ ورىن­دىق جاڭا جاتاقحانا سالۋدى تاپسىرعان بولاتىن. الايدا اتال­عان تاپسىرما نەگىزىندە وتكەن جىلى قولعا الىنعان جاتاق­حا­نالار قۇرىلىسى كوڭىل كونشىتپەي تۇر. بۇل تۋرالى ءماجىلىس دەپۋ­تاتى پاۆەل كازانتسەۆتىڭ توراعالىعىمەن وتكەن Nur Otan پار­تياسى پارتيالىق باقىلاۋ كوميتەتىنىڭ وتىرىسىندا باياندالدى.

ءبىلىم جانە عىلىم ۆيتسە-ءمي­نيس­ترى بيبىگۇل اسىلوۆانىڭ اي­­تۋىنشا، وسى جىلى ستۋدەنتتەردى باس-اياعى 15 مىڭ جاڭا جاتىن ورىنمەن قامتۋ جوسپارلانۋدا.

– بۇرىن جاتاقحانالاردا تۇرۋ ءۇشىن جالداۋ اقىسىنىڭ شەك­تى قۇنىن انىق­تايتىن بۇي­رىق بار ەدى. الايدا جاتاق­­حا­نا­لار­دىڭ قازىرگى جاي-كۇيىنىڭ تومەن­دەۋىنە ناق وسى قۇجاتتىڭ دا اسەرى بولعا­نىن ايتۋ كەرەك. جاتاقحانالاردىڭ باسىم بولىگى كۇردەلى جوندەۋدى قاجەت ەتەدى. ماتەريالدىق-تەحنيكالىق جاب­­دىق­تاۋدا دا قيىندىقتار بار. ياعني، جالعا الۋدان تۇسكەن تولەم نىسان­دار­دىڭ ساپالى جۇمىس ىستەۋى ءۇشىن قاراجات قا­­لىپ­­تاس­تىرۋدى بىلاي قويعاندا، قىز­­مەت كور­سەتۋدىڭ ءوز قۇنىن دا اقتا­ما­­دى. مەملەكەتتىك جوو ءۇشىن بۇل ءتۇ­يىن­دى ماسەلە بولىپ وتىر. سون­دىقتان قازىرگىدەي جالعا الۋ قۇنىن نارىقپەن رەتتەۋ دۇرىسىراق، – دەدى ب.اسىلوۆا.

جاتاقحانا تاپشىلىعىنا قا­­تىستى ءماجىلىس دەپۋتاتى ءجاميلا نۇرمان­بە­تو­ۆا دا پىكىر ءبىل­­دى­ر­­دى. 

– ەلباسىنىڭ تاپسىرماسى بويىنشا العاشقى 2019 جىلى – 5000، 2020 جىلى – 15000، 2021 جىلى – 25000 جانە 2022 جىلى – 30000 جاتىن ورىن پايدالانۋعا بەرىلۋى ءتيىس ەدى. بۇل ماق­ساتقا جەتۋ ءۇشىن رەسپۋبليكالىق بيۋد­جەت ەسەبىنەن 32 ملرد تەڭگە قاراس­تى­رىل­عان بو­لاتىن. پارلامەنتتە وسى ءۇشىن­شى باستامانى جۇزەگە اسىرۋ ماق­ساتىندا زاڭنامالىق بازا قا­بىلداندى. قۇقىقتىق تۇر­عى­دا جاعداي جاسالدى، – دەدى ج.نۇرمانبەتوۆا.

دەپۋتاتتىڭ ايتۋىنشا، وتكەن جىل­عا جوسپارلانعان 5000 جاتىن ورىننىڭ تەك 2810-ى عانا پايدالانۋعا بەرىلىپتى. ونىڭ جالپى قۇنى 196 ملن 397 مىڭ تەڭگەنى قۇرادى. ياعني، وتكەن جىلعى جوس­پار تەك 57%-عا عانا ورىندالىپ وتىر دەگەن ءسوز. سول 2810 جاتىن ورىن­نىڭ 1209 ورنى جاڭا جاتاقحانا سالۋ ار­قىلى پايدالانۋعا بەرىلسە، 1601-ءى قولدا بار جاتاقحانانى قايتا جاڭعىرتۋ ەسەبىنەن ستۋدەنتتەرگە بە­رى­لىپتى. دەگەنمەن ەلباسى تاپسىرما­سىن­دا جاتاقحانالاردى جاڭعىرتۋ ەمەس، تەك جاڭادان سالۋ ماسەلەسى ايتىل­عان ەدى. تيىسىنشە بيۋدجەت تە جاڭا جاتاقحانالاردى سا­لۋعا قاراستىرىلعان بولاتىن. سوندىقتان ەلباسى باس­تا­ماسى وتكەن جىلى تولىق ور­ىن­دال­دى دەۋگە اۋىز بارمايدى. سەبەبى جاڭا جاتاقحانالاردى قولدانىسقا بەرۋ تاپسىرماسى تەك 25%-عا عانا ورىندالدى.

كوميتەت مۇشەلەرى ءبىلىم جانە عىلىم مينيسترلىگىنىڭ بيۋد­­جەت قارجى­سىن ءتيىمسىز پاي­دا­­لانعانىنا دا نازار اۋداردى. پارتيالىق باقىلاۋ كومي­تە­تى كەلتىرگەن مالىمەتكە سۇيەنسەك، رەس­پۋب­ليكالىق بيۋدجەتتە ستۋدەنتتەر، ماگيسترانتتار مەن دوكتورانتتاردى جا­تاق­حانالارداعى ورىن­دارمەن قامتا­ما­سىز ەتۋ ءۇشىن مەملەكەتتىك تاپسىرىس بەرۋگە 15 ميلليارد تەڭگە (2019 جىلى – 1 ملرد تەڭگە، 2020 جىلى – 4 ملرد تەڭگە، 2021 جىلى – 10 ملرد تەڭگە) قاراستىرىلعان. سوعان قاراماستان، وتكەن جىلى مەم­لەكەتتىك تاپسىرىس اياسىن­دا بار-جوعى 177 ميلليون تەڭگە يگەرىلىپ، قاراجاتتىڭ 70%-دان استامى قازى­ناعا قايتارىلدى.

بۇل تۇستا ستۋدەنتتەر تۇرىپ جات­قان جاتاقحانالارداعى جاع­داي كوڭىل كون­شىتپەيتىنىن ايتۋ قاجەت. كەي جاتاق­حانا­لار وتكەن عاسىردىڭ 60-جىلدارىنان بەرى جون­دەۋ كورمەگەن. وسى ورايدا، Jas Otan جاستار قانا­تىنىڭ توراعاسى ەلنۇر بەي­سەن­باەۆ وزدەرى جۇرگىزگەن رەيد ناتي­جەلە­رىن ورتاعا سالدى. ونىڭ ايتۋىنشا، ەلىمىزدەگى 130 جوعارى وقۋ ورنىندا 600 مىڭعا جۋىق ستۋدەنت ءبىلىم الۋدا. بۇل كورسەتكىش وتكەن جىلعىمەن سالىستىرعاندا 10%-عا وسكەن. بۇگىنگى تاڭدا 85 مىڭ­نان استام قازاقستاندىق ستۋ­­دەنت جاتاقحاناداعى ورىنعا مۇق­تاج.

كوميتەت توراعاسى پاۆەل كازان­تسەۆ ايماقتار مەن ورتا­لىق­تاعى اقپا­رات­تار­دا سايكەس­سىز­دىكتەر بايقا­لا­تىنىن ايتتى. جاتاق­حانالار قۇرى­لىسىنىڭ مەرزىمى كوبىنە بيۋرو­كرا­تيا­لىق كى­دى­رىستەرگە بايلانىستى ۇز­اق­­قا سوزىلادى. ال كەيبىر جاع­دايلاردا ۋنيۆەرسيتەتتەر باس­شى­لىعى ەسكى عيماراتتاردى قال­پىنا كەلتىرۋ ارقىلى جاڭا ورىندار جاسادىق دەپ كورسەتەدى.

– ءبىلىم وردالارى جاڭا جا­تاق­حانا­لار­دىڭ پايدالانۋعا بە­رىل­گەنىن حابار­لاعانىمەن، ءبىز­دىڭ جۇمىس توبىمىز شىن ما­نىندە جاتاقحانا قۇرى­لى­سى­نىڭ ءالى ءجۇرىپ جات­قا­نىن انىقتادى. مۇنداي كوز­بوياۋ­شى­لىقپەن اينالىساتىنداردى ەرەكشە باقىلاۋدا ۇستايمىز. Nur Otan پارتياسىنىڭ توراعاسى – ەلباسى نۇرسۇلتان نا­زارباەۆ ستۋدەنتتەردىڭ ءومىر ءسۇرۋ جاع­داي­لارىن تەكسەرۋدى جانە جا­تاق­حانالارداعى ورىندار­دى بو­لۋ­دە جەمقورلىققا جول بە­رىل­­مەۋىن باقى­لاۋ­دى تاپسىردى. سون­دىقتان پارتيا بۇل ماسەلەنى ۇنە­مى باقىلاۋدا ۇستايدى، – دەدى پ.كازانتسەۆ.

 

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار