قوعام • 05 اقپان، 2020

جالعىزىلىكتى انانىڭ العىسىنا بولەندى

16 رەتكورسەتىلدى

ۆولونتەر جىلى ء«بىز بىرگەمىز!» اكتسياسى اياسىندا «استانا جاستارى» جاستار رەسۋرستىق ورتالىعىنداعى ۆولونتەرلەر شتابىنىڭ مۇشەلەرى ەلورداداعى پ.شۋبين 23 مەكەنجايىندا ورنالاسقان جالعىزباستى انانىڭ اۋلاسىن قاردان تازارتىپ بەردى.

قاڭتارداعى قارلى بوران قازاق­ستاننىڭ بىرنەشە ايماعىنداعى تۇر­عىنداردى ابىگەرگە سالعانى بەلگىلى. وسىنى ەسكەرگەن ەلوردا جاستارى جوعارىدا اتالعان اكتسيانى قولعا الىپ، ونى مەملەكەت باسشىسى قاسىم-جومارت توقاەۆ، ونەر، سپورت جۇلدىز­دارى قولداعان ەدى. يگى باستامانى نۇر-سۇل­تانداعى ۆولونتەرلەر دە جالعاس­تىرۋدا. وعان ءوز كوزىمىزبەن كۋا بولدىق.

– وزدەرىڭىز كورىپ وتىرعانداي، قار بيىل قالىڭ جاۋدى. تيىسىنشە ءبىزدىڭ ۆولون­تەرلەر دە بەي-جاي قاراپ وتىرا المادى. كومەككە مۇقتاج جاندار تۋرالى اقپاراتتى نۇر-سۇلتان قالاسىنا قاراستى اۋداندىق اكىمدىكتەن الىپ وتىرمىز. وسى كۇنى ءبىز ەلوردا اۋماعىنداعى الماتى، سارىارقا، باي­قوڭىر جانە ەسىل اۋداندارىنداعى مۇم­كىن­دىگى شەكتەۋلى جانداردىڭ، كوپ با­لالى جانە جالعىزباستى انالاردىڭ، قاريا­لاردىڭ ءوتىنىشى بويىنشا بارلى­عى 200 جەكە تۇرعىن ءۇي اۋلاسىندا قار تازالادىق، – دەيدى «استانا جاستا­رى» جاستار رەسۋرستىق ورتالىعى باسشى­سىنىڭ ورىنباسارى اقەركە اقتاي.

ونىڭ ايتۋىنشا، رەسۋرستىق ورتالىقتاعى ۆولونتەرلەر بازاسىندا 2000-عا جۋىق ازامات تىركەلىپتى. ونىڭ ىشىندە بەلسەندى دەگەنى 200-گە جۋىقتايدى. سولاردىڭ كومەگىمەن باس-اياعى 48 مىڭ شارشى مەتر قار تازالانىپتى. جالپى، قاڭتار ايىنان باس­تاپ قولعا الىنعان اكتسيانى قالالىق اكىمدىكپەن قاتار، تۇرسىنبەك قاباتوۆ، ايگۇل يمانباەۆا، اسحات سادىرباي، ءادىل احمەتوۆ سىندى ونەرپازدار، سپورتشىلار قولداپ وتىر. ال ۆولونتەر جىلىنا ءدوپ كەلگەن ء«بىز بىرگەمىز!» اكتسياسىنا ەل كولەمىندە 50 مىڭعا جۋىق ازامات اتسالىسقان ەكەن. 

– جالعىزباستى انامىن. بالا­باق­شادا جەتەكشى بولىپ ەڭبەك ەتەمىن. الپىستى القىمداعان انام جانە ەكى بالدىرعانىم ۇشەۋىمىز تۇرامىز. تازالاۋعا قاۋقارىم بولماعان سوڭ، نۇر-سۇلتان قالاسىنداعى سارىارقا اۋدانىنىڭ اكىمى ەرعالي قۋاندىق ۇلىنا ءوتىنىش جازدىم. اكىمدىكتەن ىلە-شالا باقتيار ەسىمدى ازامات حابارلاسىپ، ءبىر اپتا مۇعدارىندا كومەك كورسەتىلەتىنىن جەتكىزدى. ەندى مىنە جاستار جابىلا كەتىپ، اۋلامدى قاردان تازارتۋدا. قول ۇشىن سوزعان بارشا ازاماتتارعا العىسىمدى بىلدىرەمىن، – دەيدى ءۇي يەسى مارجان احمەتجانوۆا.

بۇل جولى جالعىزباستى انانىڭ
اۋلاسىن تازالاۋعا 20-عا جۋىق ۆولونتەر نيەت ءبىلدىرىپتى. باسىم بولىگى جوو، كوللەدج ستۋدەنتتەرى.

– «اسۋ» گۋمانيتارلىق-تەحنيكالىق كوللەدجىنىڭ 1-كۋرس ستۋدەنتىمىن. بىردە كوللەدج باسشىسى ۆولونتەرلەر قاتارىنا قوسىلۋعا بولاتىنىمىز تۋرالى ايتىپ، بارىنشا قولداۋ بىلدىرەتىنىن جەتكىزدى. مەن بۇل ۇسىنىستى قابىل الدىم. وسىلايشا ۆولونتەرلەر قاتارىنا قوسىلدىم. بۇل شەشىمىمە ءدان ريزامىن. سەبەبى مۇقتاج جانعا قول ۇشىن سوزۋ – مەن ءۇشىن ۇلكەن باقىت. قولدان كەلگەن كومەگىمدى ايامايمىن، – دەدى ۆولونتەر جاسۇلان كامالوۆ.

ۆولونتەرلەر تازالاعان قار سارى­ارقا اۋداندىق اكىمدىگىمەن بىرلەسە وتىرىپ، ارنايى تەحنيكامەن قالا سىرتىنا شىعارىلادى.

سوڭعى جاڭالىقتار

ۇقساس جاڭالىقتار