ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆتىڭ ايتۋىنشا, جەكە قابىلداۋ, كونفەرەنتسيا رەجيمىندەگى جينالىستار مەن جازباشا وتىنىشتەر اياسىندا مۇگەدەكتىگى بار ادامدار كوبىنەسە جەكە كومەكشىنىڭ قىزمەتتەرىن ۇسىنۋعا قاتىستى ەسكەرتۋلەر مەن ۇسىنىستار قالدىردى.
2020 جىلعى شىلدەدەن باستاپ جەكە كومەكشىلەردىڭ قىزمەتتەرى الەۋمەتتىك قىزمەتتەر پورتالىنا اۋىسادى, سودان كەيىن مۇگەدەكتىگى بار اداممەن جەكە كومەكشىنىڭ اراسىندا كەلىسىمشارت جاسالادى, ەرەكشە قاجەتتىلىكتەرى بار ادامنىڭ جاقىن تۋىستارى دا جەكە كومەكشى بولا الادى.
سونىمەن قاتار ەلىمىزدىڭ بارلىق وبلىستارىندا كومەكشىلەردىڭ قىزمەتتەرىنە ساعاتىنا اقى تولەۋدىڭ بىرىڭعاي مولشەرى بەلگىلەنەتىن بولادى. بۇيرىقتا بۇعان دەيىن بۇل ماسەلە رەتتەلمەگەن بولاتىن, سوندىقتان ءارتۇرلى وڭىرلەردە جەكە كومەكشىلەردىڭ جالاقىلارىندا ەلەۋلى ايىرماشىلىق بولدى.
سونىمەن قاتار جاڭا رەداكتسيادا جەكە كومەكشىنىڭ جانە ىمداۋ ءتىلى مامانىنىڭ قىزمەتتەرىن كورسەتۋگە قارسى كورسەتىمدەردەن ايتۆ-ينفەكتسياسىن جۇقتىرعان ادامدار ساناتى الىنىپ تاستالدى. بۇل ولاردىڭ قۇقىقتارى مەن زاڭدى مۇددەلەرىنە نۇقسان كەلتىرمەۋگە مۇمكىندىك بەرەدى.
