اۋىسپالى تارتۋ كۇشىمەن باسقارىلاتىن اينىمالى-تۇراقتى توكتىڭ ەلەكتر بەرىلىسى بار ەكى سەكتسيالى 2تە25كم ماگيسترالدىق جۇك تەپلوۆوزى ءبىر مەزەتتە سالماعى 4000 توننادان اساتىن 40 ۆاگوننان استام شيكى كەندى تاسىمالداي الادى. ونىڭ قۋاتى 7 200 ات كۇشىنە تەڭ.
«قازىر جاڭا تەحنيكانى ىسكە قوسۋ جۇمىستارى اياقتالۋعا جاقىن. سونىمەن قاتار ءتورت لوكوموتيۆ بريگاداسى جابدىقتاردى باسقارۋدى وقىپ, ۇيرەندى. قىزمەتكەرلەر نەمىستىڭ «حايسمان» باسقارۋ جۇيەسىن يگەرىپ جاتىر. جاڭا تەپلوۆوز شيكى كەندى قاشار الاڭىنداعى «قايتا جۇكتەۋ» بەكەتىنەن رۋدنىيداعى «تاس ۇساقتاۋ» بەكەتىنە تاسىمالدايتىن بولادى» دەدى سسكوب قاشار تاۋ-كەن ءوندىرۋ كەشەنىنىڭ تەپلوۆوز جانە تەمىرجول كرانىن پايدالانۋ ۋچاسكەسىنىڭ باسشىسى نۇرلاش بەگداۋتوۆ.
2Tە25KM ماگيسترالدى تەپلوۆوزىنىڭ جۇمىسى بىرلەستىكتىڭ تەمىرجول ينفراقۇرىلىمىن پايدالانۋ تيىمدىلىگىن ارتتىرادى, جۇكتەردى جەتكىزۋ ۋاقىتىن قىسقارتادى.
«مەن 10 جىلداي لوكوموتيۆ ءماشينيسى بولىپ جۇمىس ىستەپ كەلەمىن. سوندا دا بۇگىندە لوكوموتيۆ باسقارۋدى قايتا وقۋ كەرەكتىگى ەش قورقىتپايدى. نەگىزگى ارتىقشىلىق – قازىرگى زامانعى تەحنولوگيالار. بۇل دەگەنىمىز, جاڭا تەحنولوگيالار ەسكىگە «ساۋ بولىڭىز» دەپ قول بۇلعاپ تۇر» دەدى قاشار تاۋ-كەن ءوندىرۋ كەشەنىنىڭ تەپلوۆوز جانە تەمىرجول كرانىن پايدالانۋ ۋچاسكەسىنىڭ تەپلوۆوز ءماشينيسى اندرەي دزيادزين.
بيىل رۋدنىيعا TەM18دM سەريالى جاڭا مانەۆرلىك تەپلوۆوز دا ساتىپ الىناتىن بولادى.
رۋدنىي
