قولدا بار اقپاراتقا سايكەس, قاتەرلى ىسىكتىڭ كەڭىنەن تاراعان تۇرلەرىنە ءسۇت بەزى, توق جانە تىك ىشەكتەر, قۋىقالدى بەزى, اسقازان وبىرى جاتادى.
20-27 قاڭتار ارالىعىندا قازاقستاندا جاتىر موينى وبىرىنىڭ الدىن الۋ اپتالىعى وتكىزىلدى. ونكولوگياعا قازاقستاننىڭ بارلىق وڭىرلەرىنەن 1398 ايەل تەكسەرىلگەن. 32 ايەلدەن وبىرعا كۇدىكتىلىك بايقالسا, 160 ادامنان وبىر الدى بەلگىلەرى بىلىنگەن. 527 ايەلدە باسقا اۋرۋ تۇرلەرى انىقتالدى.
اكتسيا قازاقستاننىڭ بارلىق 20 وڭىرلىك ونكولوگيالىق ورتالىقتارىندا جانە قازاق ونكولوگيا جانە راديولوگيا عىلىمي-زەرتتەۋ ينستيتۋتىندا جۇرگىزىلدى.
جاتىر موينى قاتەرلى ىسىگى جاتىر مويىنى ەپيتەليىندە پايدا بولاتىن قاتەرلى ىسىك بولىپ تابىلادى. قازاقستاندا ونكوپاتولوگيا قۇرىلىمىندا جاتىر موينى قاتەرلى ىسىگى ءسۇت بەزى قاتەرلى ىسىگىنەن كەيىن ايەلدەر اراسىندا ەكىنشى ورىندا تۇر. جىل سايىن جاتىر موينى قاتەرلى ىسىگىنىڭ 1700-دەن استام جاڭا جاعدايى تىركەلەدى جانە وسى اۋرۋدىڭ 600-گە جۋىق جاعدايى ولىمگە اكەلەدى.
الماتى
