سپورت • 30 قاڭتار، 2020

سپورت سالاسىنىڭ 2019 جىلعى ۇزدىكتەرى انىقتالدى

28 رەتكورسەتىلدى

بۇگىن مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىندە وبلىستىق سپورت باسقارمالارى، ۆەدومستۆولىق باعىنىستاعى ۇيىمدار باسشىلارىنىڭ قاتىسۋىمەن وتكەن جينالىستا 2019 جىلدىڭ قورىتىندىسى بويىنشا سپورتشىلارعا، جاتتىقتىرۋشىلارعا، دەنە شىنىقتىرۋ جانە سپورت سالاسىنداعى ماماندارعا جانە دەنە شىنىقتىرۋ-سپورتتىق ۇيىمدارعا «ۇزدىك» اتالىمى بويىنشا اتاقتاردى بەرۋ جونىندەگى رەسپۋبليكالىق كونكۋرستىڭ ناتيجەسى جاريالانىپ، جەڭىمپازدار انىقتالدى.  

«جىلدىڭ ۇزدىك سپورت ۇيىمى» اتالىمى بويىنشا - «الماتى وبلىسىنىڭ جوعارى سپورت شەبەرلىگى مەكتەبى»;

«اۋىلدىق جەردەگى ۇزدىك سپورتتان نۇسقاۋشى-ادىسكەر» اتالىمى بويىنشا: جامبىل وبلىسى، تالاس اۋدانى، اقكول اۋىلى «دەنە شىنىقتىرۋ-سپورت كەشەنى» سپورت نۇسقاۋشىسى - رۋسلان نۇرلان ۇلى دوساليەۆ;

«اۋداندىق ۇزدىك دەنە شىنىقتىرۋ جانە سپورت ءبولىمى» اتالىمى بويىنشا: اتىراۋ وبلىسى، قۇرمانعازى اۋدانى دەنە شىنىقتىرۋ جانە سپورت ءبولىمى;

«جىلدىڭ ۇزدىك اۋىل جاتتىقتىرۋشىسى» اتالىمى بويىنشا: «اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ «بالۋان شولاق اتىنداعى ۇلتتىق سپورت تۇرلەرىنەن وبلىستىق بالالار مەن جاسوسپىرىمدەر سپورت مەكتەبىندە» كوكپاردان جاتتىقتىرۋشى-وقىتۋشىسى – ەرعالي جولامان ۇلى توقاباەۆ;

«دەنە شىنىقتىرۋ جانە سپورت سالاسىنداعى ۇزدىك مامان» اتالىمى بويىنشا: «شىمكەنت قالاسىنىڭ №16 گيمناستيكادان وليمپيادا رەزەرۆىنىڭ مامانداندىرىلعان بالالار-جاسوسپىرىمدەر سپورت مەكتەبى» ديرەكتورىنىڭ وقۋ ءىسى جونىندەگى ورىنباسارى -  گايرات تەشەباي ۇلى ۋسمانوۆ ماراپاتتالدى.

جەڭىمپازدارعا مادەنيەت جانە سپورت ءمينيسترى اقتوتى راحمەتوللاقىزى رايىمقۇلوۆا اتاۋلى سەرتيفيكاتتار، ەستەلىك ستاتۋەتكالاردى تابىس ەتتى.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار