باستاپقى باسەكەلەردە گەرمانيالىق كەۆين كراۆيتس پەن اندرەاس ءميستى, وڭتۇستىك كورەيانىڭ وكىلدەرى نام دجي سۋن مەن سون مين-كيۋدى جانە امەريكالىق سەم كۋەرري مەن ستيۆ دجونسوندى جولدارىنان ىعىستىرعان ولار شيرەك فينالدا كورت قوجايىندارى دجەيمس داكۆورت پەن مارك پولمانستان باسىم تۇسكەن ەدى.
جارتىلاي فينالدا ءبىزدىڭ جىگىتتەر اقش پەن ۇلىبريتانيا جۇبى – رادجيۆ رام جانە دجو سولسبەريمەن كەزدەستى. العاشقى سەت 6:4 ەسەبىمەن وتانداستارىمزدىڭ پايداسىنا شەشىلدى. الايدا ودان كەيىنگى ەكى سەتتە قارسىلاستارى باسىمدىق تانىتتى – 6:3, 6:4. بۇل باسەكە 1 ساعات 51 مينۋتقا سوزىلدى.
وسىلايشا, جۇپتىق سايىستا قازاقستاندىق تەننيسشىلەر ءوز تاريحىندا تۇڭعىش رەت «ۇلكەن دۋلىعا» ساناتىنداعى ءتۋرنيردىڭ جارتىلاي فينالىندا ونەر كورسەتتى.
