ساپالى تالداۋدىڭ جانە اعىمداعى قارجى ترەندتەرى تۋرالى كاسىبي ساراپتامالىق پىكىردىڭ تاپشىلىعىنا الاڭداۋشىلىق بىلدىرگەن «سەنتراس سەكيۋريتيز» ماماندارى قازىرگى كەزدە قازاقستاندا ۇجىمدىق ينۆەستيتسيالاۋ يندۋسترياسىنىڭ «رەنەسسانسى» بايقالاتىندىعىن اتاپ ءوتتى. سوڭعى جىلدارى قولدانىستاعى پايلار شىعارىمدارىنىڭ سانى 24-تەن 36-عا دەيىن وسسە, پايشىلاردىڭ سانى 1000-عا جۋىقتاعان.
«سەنتراس سەكيۋريتيز» مالىمەتتەرىنە سايكەس, 2008 جىلعى الەمدىك قارجى داعدارىسىنا دەيىن تىركەلگەن ينۆەستيتسيالىق پاي قورلارىنىڭ سانى 200-دەن اسىپ, بۇعان قوسىمشا 50 اكتسيونەرلىك ينۆەستيتسيالىق قورعا دەيىن وسكەن. پاي يەلەرىنىڭ سانى 3500-دەن اسىپ, اكتيۆتەر 2008 جىلعى 1 ساۋىردەگى كورسەتكىشتەر بويىنشا 230,7 ملرد. تەڭگەگە جەتسە, باسقارۋشى كومپانيالار سانى 68-گە دەيىن ارتقان. ال ودان كەيىنگى داعدارىستاردا ينۆەستيتسيالىق پاي قورلارىنىڭ سانى 2018 جىلى 24-كە دەيىن تومەندەپ, باسقارۋشى كومپانيالاردىڭ سانى بۇگىنگى جاعداي بويىنشا 20-عا دەيىن قىسقارعان. ناتيجەسىندە ينۆەستيتسيالىق نارىق كاسىبي ساراپتاماسىز قالدى. «سەنتراس سەكيۋريتيز» دەرەكتەرى بويىنشا قور نارىعىنداعى ينۆەستيتسيالىق تالداۋشىلار 70-كە دەيىن قىسقارعان.
ينۆەستيتسيالىق پاي قورلارى نارىعىنىڭ تاريحىنا توقتالىپ وتكەن «سەنتراس سەكيۋريتيز» ماماندارى «ينۆەستيتسيالىق قورلار تۋرالى» زاڭ قابىلدانعان كەزەڭدە ينۆەستيتسيالىق پورتفەلدى باسقارۋشى ليتسەنزياسىنا نەبارى 14 كومپانيا بولسا, «سەنتراس سەكيۋريتيز» اق 2005 جىلدىڭ قاڭتارىندا العاشقىلاردىڭ ءبىرى بولىپ «قازىناشىلىق» اشىق ينۆەستيتسيالىق پاي قورى (يپق) مەن «سەنتراس – جاھاندىق نارىقتار» ينۆەستيتسيالىق پاي قورىن (يپق) تىركەگەن. وسى ۋاقىت ىشىندە ينۆەستيتسيالىق قىزمەتتەر نارىعى قارقىندى ءوسۋ, قۇلدىراۋ كەزەڭدەرىنەن ءوتتى. ال بۇل مەرزىمدە «قازىناشىلىق» اشىق قورىنىڭ تابىسى تەڭگەگە شاققاندا جىلىنا 53,5%-دى, $-13,7%-دى قۇرادى. وتكەن جىلى «قازىناشىلىق» ايپق پايشىلارىنا تەڭگەمەن شاققاندا جىلىنا 25,8, $- 26,2% تابىس اكەلىپ, دەپوزيتتەرگە بالاما رەتىندە ايپق سالىمشىلارىنىڭ ءۇمىتىن اقتادى.
ال «سەنتراس – جاھاندىق نارىقتار» قورىنىڭ قولدانىسقا ەنگىزىلگەلى بەرگى تابىستىلىعى, تەڭگەگە شاققاندا جىلىنا 43,5, $-10,3% -دى قۇرادى. وتكەن جىلى «سەنتراس – جاھاندىق نارىقتار» پايشىلارىنا تەڭگەمەن جىلىنا 39,3, $-39,7% كىرىس اكەلدى.
«سەنتراس – جاھاندىق نارىقتار» قورىنا بەنچمارك رەتىندە MSCIWorld يندەكسىن تاڭداپ, الدىڭعى قاتاردا كەلەدى. نارىقتا 10 جىلدان استام تاجىريبەسى بار «ەۋرووبليگاتسيالار قورى» وتكەن جىلى تەڭگەمەن شاققاندا جىلىنا 18,2, $-18,6% پايدا اكەلگەن. بەنچمارك رەتىندە JPMorganEMBonds يندەكسى بەلگىلەنىپ, وتكەن جىلى 320 بازيستىك پۋنكتكە اسىپ ءتۇستى.
رەسپۋبليكا تۇرعىندارىنىڭ ۆاليۋتامەن نوميناتسيالانعان ينۆەستيتسيالىق ونىمدەرگە دەگەن قىزىعۋشىلىعىن ارتتىرۋ قاجەتتىگىن ايتقان ماماندار بۇگىندە ەلىمىز بانكتەرىندەگى ۆاليۋتالىق سالىمدار بويىنشا تومەن مولشەرلەمەلەر جيناقتاۋشىلاردى قارجىسىن بالامالى قۇرالدارعا سالۋعا ماجبۇرلەپ وتىر. سوندىقتان ەل نارىعىنداعى ينۆەستيتسيالىق قورلارىنىڭ جوعارى تابىستىلىعى اسا ماڭىزدى.
الماتى
