ايماقتار • 30 قاڭتار، 2020

رەسەيدىڭ جاڭا پرەمەر-ءمينيسترى الماتىعا كەلەدى

53 رەتكورسەتىلدى

رف پرەمەر مينيسترلىگى لاۋازىمىنا جاقىندا كىرىسكەن ميحايل ميشۋستين ەرتەڭ 31 قاڭتار كۇنى  الماتىدا وتەتىن ەۋرازيالىق ۇكىمەتارالىق كەڭەستىڭ جۇمىسىنا قاتىسادى.

رەسەيلىك ساراپشىلار بۇل ساپار رەسەيدىڭ ىشكى ەكونوميكالىق پروبلەمالارىن شەشىپ قانا قويماي، كورشى مەملەكەتتەرمەن بايلانىستى جاڭا دەڭگەيدە كوتەرەدى دەپ ۇمىتتەنىپ وتىر.

كەڭەس وتىرىسى بارىسىندا ەۋرازيالىق ەكونوميكالىق وداققا (ەاەو) مۇشە مەملەكەتتەردىڭ ۇلتتىق ۆاليۋتالارىندا ەسەپ ايىرىسۋعا كوشۋ جانە بىرلەستىك شەڭبەرىندەگى ينتەگراتسيانى تالقىلايدى دەپ كۇتىلۋدە.

2019 جىلدىڭ جەلتوقسان ايىندا رەسەي پرەزيدەنتى ۆلاديمير پۋتين ەاەو-داعى ينتەگراتسيالىق پروتسەستەردى جوعارى دەڭگەيدە باعالادى. «بۇل باعىت جاڭا پرەمەر-مينيستر جۇمىسىنداعى ماڭىزدى باعىتتاردىڭ ءبىرى بولاتىنى انىق» دەيدى رەسەيلىك ساراپشىلار. 

كەشە رەسەي پرەمەرى قازاقستانعا ساپارىنىڭ الدىندا ماسكەۋدە  ەۋرازيالىق ەكونوميكالىق ينتەگراتسيا شەڭبەرىندەگى باسىم مىندەتتەر تۋرالى كەڭەس وتكىزدى. 

رەسەي ۇكىمەتىنىڭ سايتىندا ايتىلعانداي، وتىرىسقا قاتىسۋشىلار «رەسەي فەدەراتسياسىنىڭ ەۋرازيالىق ەكونوميكالىق وداقتاعى باسىمدىقتارىن العا جىلجىتۋ ماقساتىندا ۆەدومستۆوارالىق ىنتىماقتاستىقتى جانداندىرۋ تۋرالى ناقتى شەشىمدەر قابىلدادى».

رەسەي ۇلتتىق ستراتەگيا ينستيتۋتىنىڭ حالىقارالىق جوبالار بويىنشا ديرەكتورى يۋري سولوزوبوۆ  بۇگىن NEWS.ru سايتىنا بەرگەن سۇحباتىندا اتاپ وتكەندەي، ءميشۋستيننىڭ مىندەتى دميتري مەدۆەدەۆ تۇسىندا توقتاپ قالعان ەاەو مۇشە مەملەكەتتەرىنىڭ ىنتىماقتاستىعىن «قايتا باستاۋ»  بولىپ تابىلادى.

جاڭا پرەمەر-ءمينيستردىڭ  وسىعان دەيىنگى فەدەرالدى سالىق قىزمەتىنىڭ باسشىسى رەتىندەگى تاجىريبەسى الداعى ۋاقىتتا كادەگە اسۋى مۇمكىن،- دەدى يۋري سولوبوزوۆ.

 

الماتى

سوڭعى جاڭالىقتار

ۇقساس جاڭالىقتار