ۇ.ءالىپوۆ بۇل جۇمىستارعا ەل كولەمى بويىنشا جۇمىلدىرىلعان ارنايى تەحنيكالاردىڭ سانىنا توقتالىپ, جۋىردا قالاارالىق قاي باعىتتارعا رۇقسات بەرىلەتىنىن اتاپ ءوتتى.
– قوسشى, قورعالجىن باعىتىنداعى جولدار اشىلدى. كەشكە دەيىن ەلوردادان بۋرابايعا, قاراعاندىعا قاتىنايتىن جولداردى تازالاپ بىتىرەمىز. ەرتەڭ قوستاناي, پاۆلودار باعىتىنداعى جولدار تازالانادى. پاۆلودار باعىتىنداعى جولدا جۇمىس اۋقىمى وتە كوپ. ەرەيمەنتاۋ اۋماعىندا قار قالىڭ ءتۇستى. وسىلايشا ەرتەڭ كەشكە دەيىن ەلوردادان قاتىنايتىن بارلىق باعىتتاعى جولداردى تازالاپ بىتىرەمىز دەپ جوسپارلاپ وتىرمىز, – دەدى ۇ.ءالىپوۆ.
ونىڭ ايتۋىنشا, اقمولا وبلىسى بويىنشا جولداردى قاردان تازارتۋعا بارلىعى 105 ارنايى تەحنيكا مەن 300-گە جۋىق ادام جۇمىلدىرىلسا, ەل اۋماعىنداعى تەحنيكا سانى 800-گە جۋىقتاپ وتىر.
ۇ.ءالىپوۆ قارلى بوران قاھارىنا مىنگەن وتكەن جەكسەنبى كۇنى بۋرابايدان نۇر-سۇلتانعا قاتىناعان ءبىراز كولىك قار قۇرساۋىندا قالعانىن ايتتى. ىلە-شالا «QazAvtoJol» ۇك» اق قىزمەتكەرلەرى ىشكى ىستەر مينيسترلىگى توتەنشە جاعدايلار كوميتەتىنىڭ قىزمەتكەرلەرىمەن بىرلەسە وتىرىپ, اتالعان قۇرىلىمداردىڭ ارنايى تەحنيكالارى جولدا قالعانداردى باستاپ ەلورداعا جەتكىزگەن. اۆتوكولىكتەر لەگىندە باس-اياعى 500-گە جۋىق اۆتوكولىك بولعان.
