قازاقستان • 29 قاڭتار، 2020

ەلىمىزدىڭ قارۋلى كۇشتەرى اسكەري-تاريحي مۋزەيى ىزدەستىرۋ-مۇراعاتتىق جۇمىستارىن جۇرگىزىپ جاتىر

43 رەتكورسەتىلدى

قارۋلى كۇشتەرى اسكەري-تاريحي مۋزەيىنىڭ ىزدەستىرۋ-ەكسپەديتسيالىق ءبولىمى ۇلى وتان سوعىسى كەزىندە قازا بولعان جانە ءىز-ءتۇسسىز جوعالىپ كەتكەن قازاقستاندىق ساربازدارعا ىزدەستىرۋ-مۇراعاتتىق جۇمىستارىن جۇرگىزۋدە. بۇل تۋرالى قورعانىس مينيسترىلىگىنىڭ ءباسپاسوز قىزمەتىندە حابارلادى.  

2020 جىلى ۇلى وتان سوعىسىنداعى جەڭىسكە 75 جىل تولادى. ۇزاق جىلدار بويى كوپتەگەن قازاقستاندىق وتباسىلار ءۇشىن اتا-بابالارىنىڭ قابىرىنىڭ ناقتى ورنالاسۋى تۋرالى اقپارات قولجەتىمسىز جانە دە ءالى كۇنگە دەيىن 100 مىڭنان استام قازاقستاندىق جاۋىنگەر قازا تاپقان نەمەسە حابار-وشارسىز كەتكەن دەپ ەسەپتەلەدى.

ىزدەۋ جۇمىستارى ءۇشىن تمد جانە الىس شەتەلدەردەگى قازا تاپقان جانە حابار-وشارسىز كەتكەن ساربازداردىڭ دەرەكتەر بازاسى، ينتەرنەت-رەسۋرستار جانە بۇرىن جابىق بولعان اقپاراتتار، سونىمەن قاتار، شەتەلدىك مۇراعاتتار جانە 1941-1945 جىلدارداعى قىزىل اسكەردىڭ قايتارىمسىز شىعىنى تۋرالى قۇپياسىزدانعان حابارلامالار پايدالانىلادى.

سونىمەن قاتار وبلىستىق تاريحي-ولكەتانۋ مۋزەيلەرىمەن، مۇراعاتتارمەن، عالىم-زەرتتەۋشىلەرمەن، مۇراعاتشىلارمەن، ىزدەۋشىلەرمەن، «اتامنىڭ اماناتى» قوعامدىق بىرلەستىگىمەن جانە جەرگىلىكتى اسكەري باسقارۋ ورگاندارىمەن بىرلەسكەن جۇمىستار جۇرگىزىلۋدە. 2020 جىلعى قاڭتار ايى بويىنشا قك اسكەري-تاريحي مۋزەيىنە سوعىسقا قاتىسقانداردىڭ تۋىستارىنان 556 ءوتىنىم كەلىپ ءتۇستى. 48 ءوتىنىم بويىنشا العاشقى جەرلەۋ ورىندارىنىڭ ورنالاسقان جەرى تۋرالى اقپارات انىقتالدى. ولاردىڭ 38-ءى رەسەي فەدەراتسياسىنىڭ اۋماعىندا ورنالاسقان (روستوۆ وبلىسى ماتۆەەۆو-قورعان اۋدانى; ورلوۆ وبلىسى ۋليانوۆ اۋدانى; كارەلو-فين كسر، پەتروۆسكي اۋدانى جانە ت. ب.); 4-ءى ماجارستان اۋماعىندا (ميكە-پەرچ اۋىلى، باتىس ايماق); 2-ءى لاتۆيادا (كارساەۆ ۋەزدى); 2-ءى گەرمانيادا (براندەنبۋرگ، نوي-لەۆين اۋىلى، اعالىق قابىر); 1-ءى پولشادا (مازوۆەتسك ەلدى مەكەنى); 1-ءى بەلورۋسسيادا (پولەسسك وبلىسى). كۇندەلىكتى 3-تەن 5-كە دەيىن ءوتىنىم تۇسەدى.

قىرىق جىلدىق ءوتىلى بار تاجىريبەلى «مەموريالدىق ايماق» ىزدەستىرۋ جاساعىنىڭ كومانديرى مايدان قۇسايىنوۆتىڭ ايتۋىنشا، جوعالعان جاۋىنگەرلەردى ىزدەۋدىڭ ءتۇرلى ادىستەرى بار. ماسەلەن، مۇراعاتتىق-دالالىق جۇمىستاردان باستاپ ينتەرنەت-ىزدەستىرۋگە دەيىن. قازىر الەۋمەتتىك جەلىلەردەگى ءتۇرلى توپتار مەن قاۋىمداستىقتار قازا تاپقان جاۋىنگەرلەردى ىزدەۋ ماسەلەسىن شەشۋدەگى قۋاتتى رەسۋرس بولىپ وتىر. 

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار