تاعايىنداۋ • 28 قاڭتار، 2020

پرەزيدەنتتىك جاستار كادر رەزەرۆىنىڭ 7 مۇشەسى لاۋازىمدى قىزمەتكە تاعايىندالدى

214 رەتكورسەتىلدى

پرەزيدەنتتىك جاستار كادر رەزەرۆىنىڭ 7 مۇشەسى نۇر-سۇلتان قالاسىنىڭ اكىمدىگىندە باسشىلىق قىزمەتكە تاعايىندالدى. سونىمەن قاتار قالالىق اكىمدىكتەگى بوس لاۋازىمدار 10 رەزەرۆشىگە ۇسىنىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

قازاقستان پرەزيدەنتىنىڭ ;استار كادر رەزەرۆى قاسىم-جومارت توقاەۆتىڭ تاپسىرماسى بويىنشا قۇرىلدى. 13 مىڭ ۇمىتكەردىڭ 300-ءى رەزەرۆكە ءوتتى. ءجۇسىپ جۇماعۇلوۆ نۇر-سۇلتان قالاسى اكىمى اپپاراتى باسشىسىنىڭ ورىنباسارى بولىپ تاعايىندالدى.

نۇرلىبەك بالىقباەۆ قالا اكىمى اپپاراتى باسشىسىنىڭ ورىنباسارى بولىپ تاعايىندالدى. بۇعان دەيىن Cتراتەگيالىق جانە اقپاراتتىق دامۋ دەپارتامەنتى ديرەكتورىنىڭ ورىنباسارى - ەنەرگەتيكا مينيسترلىگىنىڭ رەسمي وكىلى قىزمەتىن اتقاردى.

داۋلەت كارىبەك «نۇر-سۇلتان جاستار ساياساتى ماسەلەلەرى باسقارماسى» مم باسشىسى لاۋازىمىنا ءوتتى. بۇعان دەيىن Jas Otan جاستار قاناتىنىڭ توراعاسى قىزمەتىن اتقارعان.

ەرلان سىزدىقوۆ «نۇر-سۇلتان وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسى» مم باسشىسىنىڭ ورىنباسارى بولىپ تاعايىندالدى. ءانۋار بيجان «نۇر-سۇلتان اكتيۆتەر جانە مەملەكەتتىك ساتىپ الۋلار باسقارماسى» مم مەملەكەتتىك ساتىپ الۋلار مونيتورينگى جانە تاپسىرىس بەرۋشىلەرمەن جۇمىس ءبولىمىنىڭ باسشىسى بولىپ تاعايىندالدى. جەكە سەكتوردا جۇمىس اتقارعان.

دينا دانياروۆا «Astana Invest» جشس باسقارما توراعاسىنىڭ كەڭەسشىسى قىزمەتىنە تاعايىندالدى. جەكە سەكتورداعى قارجى مەكەمەلەرىندە حالىقارالىق تاجىريبەسى بار.

لاۋرا دەمەسىنوۆا «Astana الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اق باسقارما توراعاسىنىڭ كەڭەسشىسى بولىپ تاعايىندالدى.

رەزەرۆشىلەرمەن كەزدەسۋدە قالا اكىمى التاي كولگىنوۆ پرەزيدەنتتىك كادرلىق رەزەرۆ-بۇل مەريتوكراتيا پرينتسيپىنە سايكەس كەلەتىن جاستارعا ارنالعان الەۋمەتتىك ليفت ەكەندىگىن اتاپ ءوتتى. مەملەكەتتىك اپپاراتتىڭ نەگىزگى مىندەتتەرىنىڭ ءبىرى «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ، جەدەل جانە ءتيىمدى جۇمىس ىستەۋ، شەشىم قابىلداي ءبىلۋ.

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار