قازاقستان • 28 قاڭتار، 2020

200 تەڭگەلىك مونەتا اينالىمعا شىقتى

124 رەتكورسەتىلدى

قازاقستان رەسپۋبليكاسىنىڭ ۇلتتىق بانكى 2020 جىلعى 28 قاڭتاردا 2020 جىلعى ۇلگىدەگى نومينالدىق قۇنى 200 تەڭگەلىك مونەتالاردى اينالىمعا شىعاردى. بۇل تۋرالى ۇلتتىق بانك ءباسپاسوز قىزمەتى حابارلادى.

ۇلتتىق بانك  مالىمەتىنە سايكەس، مونەتالاردىڭ ديزاينى مەملەكەت باسشىسىنىڭ 2018 جىلعى 12 جەلتوقسانداعى جارلىعىمەن بەكىتىلگەن ۇلتتىق ۆاليۋتا – قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ورىندالعان.

«بيكولورلى اينالىستاعى مونەتالار ديزاينىنىڭ ستيليستيكاسىندا شىعىس جانە باتىس مادەنيەتتەرىنىڭ كوركەمدىك ەلەمەنتتەرىنىڭ ۇيلەسىمى بار. مونەتالاردىڭ سىرتقى ساقيناسى نەيزيلبەردەن جاسالعان، ىشكى ديسكى نيكەلدى جەزدەن دايىندالعان. قىرى تەگىس جانە بەدەرلى سەكتورلارمەن كەزەكتەسىپ وتىراتىن 16 ويىقپەن بەدەرلەنگەن»، - دەلىنگەن حابارلامادا.

مونەتالاردىڭ سىرت جاعىندا (رەۆەرسىندە) ورتالىق بولىگىندە مەملەكەتتىك ەلتاڭبا، اينالدىرا ەميتەنت ەلدى بىلدىرەتىن «QAZAQSTAN RESPÝBLIKASY» دەگەن جازبا بەينەلەنگەن. مونەتانىڭ تومەنگى جاعىندا سوعىلعان جىلىن بىلدىرەتىن «2020» دەگەن جازۋ بار.

مونەتالاردىڭ بەت جاعىندا (اۆەرسىندە) ورتالىق بولىگىندە نومينالىن بىلدىرەتىن جانە نومينال تسيفرىنىڭ كەسكىنىن قايتالايتىن كولدەنەڭ سىزىقتار بەدەرى اياسىندا ورىندالعان «200» دەگەن جازۋ بار. مونەتانىڭ جوعارعى جانە تومەنگى بولىكتەرىندە – تىك سىزىقتار تۇرىندە ورىندالعان ويۋ-ورنەك كەسكىندەرى بەينەلەنگەن.

مونەتانىڭ تومەنگى بولىگىندە – تارامدالعان سىزىقتار اياسىندا ورىندالعان، ۇلتتىق ۆاليۋتانىڭ ماتىندىك اتاۋىن بىلدىرەتىن «TEŃGE» دەگەن جازۋ. مونەتانىڭ سول جاق بولىگىندە QAZAQSTAN ULTTYQ BANKI ەميتەنت بانكتى بىلدىرەتىن «QUB» اببرەۆياتۋراسى بار. مونەتانىڭ وڭ جاق بولىگىندە – قازاقستان تەڭگە سارايىنىڭ تاۋار بەلگىسىن بايقاۋعا بولادى.

ايتا كەتۋ كەرەك، نومينالى 200 (ەكى ءجۇز) تەڭگەلىك بانكنوتتار زاڭدى تولەم قۇرالى بولىپ قالادى جانە اينالىستان تابيعي توزۋ شاماسىنا قاراي الىنادى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار