كەلەسى كەزەكتە سالتاناتتى شاراعا ارنايى قاتىسقان چەحيا رەسپۋبليكاسى پارلامەنتىنىڭ دەپۋتاتى ستانيسلاۆ بەركۋۆيچ ءوزىنىڭ جۇرەكجاردى لەبىز ءبىلدىردى. دەپۋتات مىرزا ۇلى ويشىل اباي ەسىمى تەك قازاق حالقىنا عانا ەمەس, ەۋروپا تورىندە دە تانىمال تۇلعا ەكەنىن اتاپ ءوتتى.
«چەحيا ازاماتتارى قازاقستانعا بارا الماعان جاعدايدا بۇل ورتالىق قازاق حالقىن جاقىن تانۋعا ۇلكەن جول اشىپ وتىر. ءبىز اباي مۇرالارىن وسى ورتالىق ارقىلى جاقىن تاني تۇسەتىن بولدىق. ءسان-سالتاناتقا تولى زالدان ۇلكەن اسەر الىپ تۇرمىن» دەدى چەحيالىق دەپۋتات ا.بەركۋۆيچ.
ايتا كەتەيىك, چەحيادا «اباي» مادەني-اقپاراتتىق ورتالىعى اشىلعانىن حابارلاعان بولاتىنبىز.
