وسىعان بايلانىستى كوميتەت ۋنيۆەرسيتەتتى ءبىلىم بەرۋ قىزمەتىن جۇرگىزۋ قۇقىعىنا ليتسەنزيادان ايىرۋ ءۇشىن سوتقا جۇگىندى. 2020 جىلدىڭ 9 قاڭتارىندا شىمكەنت قالاسىنىڭ مامانداندىرىلعان اكىمشىلىك سوتى كوميتەتتىڭ نۇسقاماسىن قاناعاتتاندىرىپ, جوعارى وقۋ ورنىن ليتسەنزيادان ايىرۋ تۋرالى شەشىم قابىلدادى. بىراق شەشىم ءالى زاڭدى كۇشىنە ەنگەن جوق.
وسىعان بايلانىستى مينيسترلىك وقۋدى جالعاستىرۋ ءۇشىن ستۋدەنتتەردى باسقا جوعارى وقۋ ورىندارىنا اۋىستىرۋ جونىندە شارالار قابىلدايتىن بولادى. وسى ماقساتتا جۇمىس توبى قۇرىلدى. اۋدارۋ زاڭناماعا سايكەس دەمالىس ۋاقىتىندا جۇزەگە اسىرىلادى.
ء«بىلىم تۋرالى» زاڭنىڭ 42-بابى 2-تارماعىنا سايكەس ءبىلىم بەرۋ ۇيىمى ءبىلىم بەرۋ قىزمەتىمەن اينالىسۋعا ليتسەنزياسىنان ايىرىلعان نەمەسە تاراتىلعان جاعدايدا ونىڭ قۇرىلتايشىسى ءبىلىم الۋشىلاردى وقۋىن جالعاستىرۋ ءۇشىن باسقا ءبىلىم بەرۋ ۇيىمدارىنا اۋىستىرۋعا شارالار قولدانادى.
2020 جىلدىڭ 1 اقپانىنا دەيىن قابىلدانعان شەشىم بويىنشا قوسىمشا حابارلاناتىن بولادى.
اتالعان ۆەدومستۆو ستۋدەنتتەردىڭ قۇقىقتارى مەن مۇددەلەرىن قورعاۋ ماقساتىندا ۇسىنىلاتىن ءبىلىم بەرۋ قىزمەتتەرىنىڭ ساپاسىنا نازار اۋدارۋدى سۇرايدى.
جوسپاردان تىس تەكسەرۋ قورىتىندىسى بويىنشا ۋنيۆەرسيتەتتىڭ ءبىلىم بەرۋ قىزمەتىندە ورەسكەل بۇزۋشىلىقتار انىقتالعان بولاتىن. اتاپ ايتقاندا, تالاپكەرلەردى شىعارماشىلىق ەمتيحاندارسىز, 086-ۋ نىسانىنداعى مەديتسينالىق انىقتاماسىز, ۇبت سەرتيفيكاتىنىڭ تۇپنۇسقاسىنسىز جانە بەيىندى پاندەردى ەسەپكە الماي قابىلداۋ فاكتىلەرى انىقتالعان. سونداي-اق ساباق كەستەسىن ساقتاماۋ فاكتىلەرى انىقتالدى.
