تاياۋدا اتالعان مۇراجايدا «بالا قيالىنداعى اسەمدىك سىرى» اتتى كورمە اشىلىپ, وعان ونەر مەكتەبى وقۋشىلارىنىڭ 500-گە تارتا كومپوزيتسيا, پلەنارلىق ەتيۋدتەر, كەسكىندەمە, گرافيكا جانە ءمۇسىن تۇرىندەگى تۋىندىلارى قويىلدى.
– بۇل كورمە ءبىر جىلعى جۇمىستىڭ ەسەبى ىسپەتتى جانە ول جىل سايىن ءوتىپ تۇرادى. مۇندا بارلىق سىنىپ وقۋشىلارىنىڭ سۋرەتتەرى, سونداي-اق تۇلەكتەردىڭ ديپلومدىق جۇمىستارى جيناقتالعان. كورمە «رۋحاني جاڭعىرۋ» باعدارلاماسى اياسىندا ۇيىمداستىرىلدى, – دەيدى قاراعاندى وبلىستىق بەينەلەۋ ونەرى مۇراجايىنىڭ جەتەكشىسى بيبىگۇل قۇداباەۆا.
مۇنداي كورمەلەر 4-تەن 17 جاسقا دەيىنگى بالالار مەن جاسوسپىرىمدەردى شىعارماشىلىق قابىلەتتەرىن دامىتۋعا ىنتالاندىرىپ, بەينەلەۋ ونەرى سالاسىندا دارىندى ورەندەردى انىقتاۋعا كومەكتەسەدى دەگەن پىكىر ايتادى مۇراجاي قىزمەتكەرلەرى.
كورمەدەگى تۋىندىلاردىڭ باسىم كوپشىلىگى تۋعان ولكە, سالت-ءداستۇر مەن ۇلتتىق مادەني قۇندىلىقتاردى تاقىرىپ نەگىزىندە ارقاۋ ەتكەن. سونىمەن قاتار مۇندا سۋرەت سالۋدىڭ اكادەميالىق تاسىلدەرىمەن بىرگە باتىل ەكسپەريمەنتالدى تەحنيكا قولدانىلعان جۇمىستار دا جەتكىلىكتى.
اتالعان كورمەنىڭ اياسىندا بەينەلەۋ ونەرى مۇعالىمدەرىنە ارنالعان «شىعارماشىلىق يدەيالار فەستيۆالى» اتتى وبلىستىق سەمينار-پراكتيكۋمىن وتكىزۋ دە جوسپاردا بار.
قاراعاندى
