جيىندا بەلگىلى بولعانداي, 2019 جىلى قازاقستاندا شامامەن 220 000 توننا قۇس ەتى وندىرىلگەن. بۇل نارىقتاعى سۇرانىستىڭ تەك 60 پايىزىن جابادى. قالعان قاجەتتى مولشەر رەسەي, اقش جانە ۋكراينا ەلدەرىنەن اكەلىنىپ جاتىر. وسىدان سوڭ وتكەن جىلى يمپورت شامامەن 160 000 توننانى قۇرادى. بۇل دەگەنىمىز وتاندىق وندىرۋشىلەر ءۇشىن ءوندىرىس كولەمىن ۇلعايتىپ, نارىقتىڭ قاجەتتىلىگىن تولىعىمەن قاناعاتتاندىرۋدا ۇلكەن پەرسپەكتيۆالار بارىن اڭعارتادى.
مال شارۋاشىلىعى سالاسىنداعى ساراپشى سەرىك تولىقپاەۆتىڭ ايتۋىنشا, 2030 جىلعا قاراي قازاقستان ىشكى نارىقتىڭ قاجەتتىلىگىن تولىعىمەن وتەيدى. سونداي-اق قىتاي, ورتالىق ازيا جانە تاياۋ شىعىس ەلدەرى سياقتى جاقىن ايماقتارعا ايتارلىقتاي كولەمدە ءونىمدى ەكسپورتتاي الادى.
ەلىمىزدەگى قۇس شارۋاشىلىعى سالاسىنداعى كوشباسشىلاردىڭ ءبىرى «Aitas KZ» كومپانياسى جەرگىلىكتى وندىرۋشىلەر اراسىندا 20 پايىزدىق ۇلەسكە يە. 2019 جىلى ماكينسك جانە وسكەمەن قۇس فابريكالارىندا قۇس ەتىنىڭ ءوندىرىسى شامامەن 60 000 توننانى قۇراعان. الداعى 3-4 جىلدا كومپانيا ءوندىرىستى 150 مىڭ تونناعا دەيىن ارتتىرۋدى جوسپارلاپ وتىر. وتكەن جىلى قابىلدانعان ۇزاق مەرزىمدى ستراتەگياعا سايكەس, 2030 جىلعا قاراي كومپانيا جىلىنا 900 000 توننا ءونىم ءوندىرىپ, ونىڭ 600 000 تونناسىن ەسپورتتاۋدى كوزدەيدى.
