قازاقستان • 23 قاڭتار، 2020

ەڭبەك مينيسترلىگى ەكى الەۋمەتتىك قىزمەتتى SMS ارقىلى الۋدى ۇسىنادى

107 رەتكورسەتىلدى

قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى) ازاماتتارعا قانداي دا ءبىر مەملەكەتتىك ورگاندارعا جۇگىنبەستەن SMS ارقىلى تاعى ەكى قىزمەتتى الۋدى ۇسىنادى. اتاپ ايتقاندا، مۇگەدەكتىك بويىنشا جاردەماقى تاعايىنداۋ تۋرالى، سونداي-اق مۇگەدەكتىك جاعدايىنداعى الەۋمەتتىك تولەمدەر تۋرالى ءسوز قوزعالىپ وتىر. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

مۇنداي فورمات قازاقستاندىقتارعا ەلىمىزدىڭ كەز كەلگەن جەرىنەن جانە كەز كەلگەن ۋاقىتتا قىزمەتتەردى الۋعا مۇمكىندىك بەرەدى. ول ءۇشىن ءموبيلدى ازاماتتار بازاسىندا تىركەلۋ جانە 3 كۇن ىشىندە العاشقى حابارلاماعا جاۋاپ بەرۋ قاجەت. بۇل رەتتە ازاماتارعا قىزمەت الۋ ءۇشىن مەملەكەتتىك ورگاندارعا جۇگىنۋ قاجەت ەمەس. پروتسەسكە مەملەكەت باستاماشىلىق ەتەدى.

«مەنىڭ ويىمشا، قازىر ءبىزدىڭ قىزمەتىمىزدى وسىنداي فورماتقا كوشىرۋ كەرەك، ويتكەنى ءبىز – الەۋمەتتىك مينيسترلىكپىز. مەملەكەت ازاماتتار ءۇشىن جۇمىس ىستەۋگە، ءوز قىزمەتتەرىن ۇسىنۋعا ءتيىس. سوندىقتان قازاقستاندىقتار قۇجاتتاردى جيناۋعا، ساپارلارعا جانە كۇتۋگە ۋاقىت پەن اقشا جۇمساماۋى ءۇشىن ولارعا قىزمەت كورسەتۋگە سۇراۋ سالىنعان قاراپايىم SMS-حابارلامالار جىبەرەمىز. ەگەر ازامات 3 كۇن ىشىندە جاۋاپ بەرسە، ول جەدەل تۇردە كورسەتىلەدى. بۇل ىڭعايلى: قاي جەردە ورنالاسقانىڭىز ماڭىزدى ەمەس، جاي عانا SMS-كە جاۋاپ بەرۋگە بولادى» دەپ جاڭاشىلدىققا تۇسىنىكتەمە بەردى ۆيتسە-مينيستر ناريمان مۇقىشەۆ.

بۇرىن مۇگەدەكتىك بويىنشا جاردەماقى مەن مۇگەدەكتىككە بايلانىستى الەۋمەتتىك تولەمدەردى تاعايىنداۋ قىزمەتىن حقكو جانە ەڭبەك، الەۋمەتتىك قورعاۋ جانە كوشى-قون كوميتەتىنىڭ اۋماقتىق بولىمشەلەرىنە حابارلاسۋ ارقىلى الۋعا بولاتىن. سونىمەن بىرگە، ەكى قىزمەت تە egov.kz پورتالىندا قولجەتىمدى.

ەسكە سالايىق، «تسيفرلىق قازاقستان» باعدارلاماسى اياسىندا قازاقستان رەسپۋبليكاسىنىڭ ۇكىمەتى مەملەكەتتىك قىزمەتتەردى ەلەكتروندىق فورماتقا اۋىستىرۋ بويىنشا جۇمىس جۇرگىزۋدە. 2019 جىلدىڭ قورىتىندىسى بويىنشا ۆەدومستۆو قىزمەتىنىڭ 80%-ى ەلەكتروندىق فورماتتا كورسەتىلەدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار