ايماقتار • 22 قاڭتار، 2020

اقمولادا براكونەرلەر قۇرىقتالدى

155 رەتكورسەتىلدى

وبلىستا «براكونەر» جەدەل-الدىن الۋ شارالارى وتكىزىلۋدە. شارا بارىسىندا بىرقاتار زاڭ بۇزۋشىلىقتار انىقتالدى.   

ەكى اپتا ىشىندە پوليتسيا قىزمەتكەرلەرى ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىمەن بىرلەسە وتىرىپ، اڭ اۋلاۋ ەرەجەلەرىن بۇزعاندار مەن براكونەرلەردى اشكەرەلەدى.  

–اڭشىلىق قارۋلارىن تاسىمالداۋ مەن كوشى-قون زاڭنامالارىن تيىسىنشە ورىنداۋعا ەرەكشە نازار اۋدارىلۋدا. سوندىقتان دا وق-دارىلەر مەن قارۋلاردىڭ ءتيىستى قۇجاتتارىنىڭ بولۋى قاداعالانىپ، بارلىق كولىكتەر تەكسەرىلۋدە، دەيدى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باسشىسى سەرىك بايمۇقانوۆ.

شارا بارىسىندا ارنايى ءموبيلدى توپتار 127 اكىمشىلىك زاڭ بۇزۋشىلىقتى انىقتادى. ونىڭ 68-ءى اڭشىلىق ەرەجەلەرىن بۇزۋ، 26-سى  زاڭسىز بالىق اۋلاۋ.  4 قىلمىستىق ءىس قوزعالىپ، 9  قارۋ تاركىلەندى.

–زاڭسىز اڭ اۋلاۋ قىلمىستىق قۇقىق بۇزۋشىلىقتان جەڭىل قىلمىس ساناتىنا اۋىستىرىلدى. سونىمەن قاتار، براكونەرلىككە، جانۋارلار الەمىن قورعاۋ ينسپەكتورلەرىنە قىسىم كورسەتۋ، ومىرلەرىنە قاۋىپ توندىرۋگە بايلانىستى زاڭدار كۇشەيتىلدى، دەيدى ەكولوگيالىق پوليتسيا توبىنىڭ اعا ينسپەكتورى انار تۇكەنوۆا، ايتسە دە وڭاي ولجاعا قۇنىققاندار ءالى دە ازاياتىن ەمەس.

سوڭعى جاڭالىقتار

ۇقساس جاڭالىقتار