قازاقستان • 21 قاڭتار، 2020

قازاقستان ەۋروپالىق وداقپەن ىنتىماقتاستىقتى نىعايتۋدا

26 رەتكورسەتىلدى

سىرتقى ىستەر ءمينيسترى مۇحتار تىلەۋبەردى «قازاقستان رەسپۋبليكاسى - ەۋروپالىق وداق» ىنتىماقتاستىق كەڭەسىنىڭ 17-ءشى وتىرىسىنا قاتىستى. كەلىسسوزدەردە ەۋروپالىق تاراپتى ەو كەڭەسىندە توراعالىق ەتۋشى حورۆاتيا سىرتقى جانە ەۋروپالىق ىستەر ءمينيسترى گوردان گرليچ رادمان تانىستىردى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى. 

وسى كۇنى ەو كەڭەسى 2020 جىلعى ناۋرىزدا كۇشىنە ەنەتىن قازاقستان رەسپۋبليكاسىمەن كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى (كاىك) راتيفيكاتسيالاۋدى اياقتاۋ تۋرالى شەشىم قابىلدادى.

ىنتىماقتاستىق كەڭەسى نەگىزگى فوكۋستى قر - ەو ىنتىماقتاستىعىنىڭ ساياسي جانە ساۋدا-ەكونوميكالىق پەرسپەكتيۆالارىن تالقىلاۋعا باعىتتادى. سونداي-اق، تاراپتار الەمدەگى اعىمداعى احۋال تۋرالى پىكىر الماستى.

ەو-نىڭ ورتالىق ازيا بويىنشا جانە ەۋروپا مەن ازيانى ءوزارا بايلانىستىرۋ جاڭا ستراتەگيالارىن ىسكە اسىرۋ جولدارى مەن بىرلەسكەن كۇش-جىگەرى تالقىلاندى.

ەو كەڭەسىنىڭ وكىلدەرى حالىقارالىق جانە وڭىرلىك قاۋىپسىزدىك، ساۋدا، ينۆەستيتسيا، ينفراقۇرىلىمدى دامىتۋ، سونداي-اق يننوۆاتسيالار، مادەنيەت، سپورت جانە تۋريزم ماسەلەلەرىن قامتيتىن ىنتىماقتاستىقتىڭ 29 پەرسپەكتيۆالىق باعىتىندا كەلىسىم ەرەجەلەرىن ىسكە اسىرۋ بويىنشا قازاقستانمەن پاندىك جۇمىسقا دايىن ەكەندىگىن ءبىلدىردى.

تاراپتار ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ ءوزارا ءىس-قيمىلدىڭ باسىم باعىتى رەتىندە قاراستىرىلاتىنىنا كەلىستى. ەنەرگەتيكا، كولىك، قورشاعان ورتا، ءبىلىم جانە عىلىم سالاسىنداعى ءوزارا ءتيىمدى ارىپتەستىكتى تەرەڭدەتۋگە ەرەكشە قىزىعۋشىلىق راستالدى.

كەلىسسوزدەر بارىسىندا تاراپتار قازاقستان پرەزيدەنتى ق. توقاەۆتىڭ بريۋسسەلگە اعىمداعى جىلى جوسپارلانعان ساپارىنىڭ دايىندىعىن تالقىلادى، سونداي-اق وسى جىلى وتەتىن قر - ەو جانە ەو - ورتالىق ازيا ىنتىماقتاستىق قۇرىلىمدارى جەلىسى بويىنشا ءىس-شارالاردىڭ كەستەسىن كەلىستى.

ىنتىماقتاستىق كەڭەسىنىڭ وتىرىسى اياقتالعاننان كەيىن قازاقستاننىڭ سىرتقى ساياسي ۆەدومستۆوسىنىڭ باسشىسى ەۋروپالىق باق ءۇشىن ءباسپاسوز كونفەرەنتسياسىن وتكىزدى.

و

ەۋروپالىق وداق - قازاقستاننىڭ نەگىزگى ساۋدا جانە ينۆەستيتسيالىق ارىپتەسى، ونىڭ ۇلەسىنە ەلىمىزدىڭ ەكونوميكاسىنا سىرتقى ساۋدا اينالىمى مەن ينۆەستيتسيانىڭ شامامەن جارتىسى تيەسىلى.

2019 جىلعى قاڭتار-قاراشادا قازاقستاننىڭ ەو ەلدەرىمەن سىرتقى ساۋدا اينالىمى 28،7 ملرد اقش دوللارىن قۇرادى (ەكسپورت – 22،7 ملرد دولل.، يمپورت - 6 ملرد دولل.). 2018 جىلى تاۋار اينالىمى 37،7 ملرد دوللار (ەكسپورت – 31 ملرد دولل.، يمپورت – 6،7 ملرد دولل.)، 2017 جىلى - 30 ملرد دولل.، 2016 جىلى - 24،1 ملرد دولل. قۇرادى.

2019 جىلدىڭ ءى جارتىجىلدىعىنىڭ قورىتىندىسى بويىنشا 5،4 ملرد اقش دوللار تىكەلەي شەتەلدىك ينۆەستيتسيالار (تشي) تارتىلدى. 2018 جىلى تشي كولەمى 11،6 ملرد دوللاردى قۇرادى.

قازاقستان 2015 جىلى ەو-مەن كەڭەيتىلگەن ارىپتەستىك پەن ىنتىماقتاستىق تۋرالى كەلىسىمگە قول قويعان ورتالىق ازيا ايماعىنداعى العاشقى ەل بولدى.

سوڭعى جاڭالىقتار

بەتپەردە كيگەن كوكتەم

تانىم • بۇگىن، 16:17

ۇن كۆوتا ارقىلى ەكسپورتتالادى

ەكونوميكا • بۇگىن، 14:53

ۇقساس جاڭالىقتار