اۋىلعا كەل, جاس دارىگەر

بۇگىندە وبلىستىڭ مەديتسي­نا­لىق مەكە­مەلەرىندە 4 756 دارىگەر جانە 14961 مەيىربيكە ەڭبەك ەتەدى ەكەن. ياع­ني, 10 مىڭ ادامعا شاققانداعى ورتاشا مەديتسينالىق قىزمەت كور­سەتۋمەن قام­تۋ 73,8 پايىز بولسا, جوعارى ءبىلىمدى دارى­گەر­دىڭ ۇلەسى 23,2 پايىز شاماسىندا. كادر جەتىسپەۋشىلىگىن زەردەلەۋ بارىسىندا ايماقتا 122 جالپى تاجىريبە دارىگەرى, 28 اكۋشەر-گينەكولوگ, 24 وتاشى, 18 انەس­تەزيولوگ-رەانيماتولوگ, 13 نەوناتولوگ, 13 نەۆرولوگ جانە 8 ون­كولوگ دارىگەردىڭ ورنى بوس تۇرعانى انىق­تالعان.

ارينە وبلىستىق دەنساۋ­لىق ساقتاۋ سالاسىنىڭ باسشى­لى­عى بۇل ماسەلەنى شەشۋدە قول قۋ­سىرىپ وتىرعان جوق. بيىل 173 جاس مامان ەمحانا­لار مەن اۋرۋحانالارعا جۇمىس­قا تۇرعان. ونىڭ ىشىندە 97 مەديتسينا قىزمەتكەرى اۋىل­دىق جەردەگى مەكەمەلەرگە قابىلدانىپتى.

– ءبىز ءوز تاراپىمىزدان ما­مان جەتىس­پەۋشىلىگىن بولدىر­ماۋ ءۇشىن بارلىق مۇم­كىندىكتى پايدالانىپ وتىرمىز. جەر­گىلىكتى اكىمدەرمەن بىرلەسىپ, جۇ­مىسقا تۇرعان جاس مامانداردى ۋاقىت­شا باسپانامەن قامتۋعا, العاشقى كو­تەر­مە جار­دەماقى تولەۋگە, ءۇي ساتىپ الۋعا جەڭىلدەتىلگەن نەسيە بەرۋگە كو­مەك­تەسەمىز. بيىل جۇمىسقا تۇر­عان جاس ماماننىڭ بارلىعىنا 1 ملن تەڭگە­دەن كوتەرمە اقى تولە­دىك. جالپى, دارى­گەر­لەردىڭ جەتىس­پەۋشىلىگى سالاداعى الەۋ­مەتتىك قولداۋدىڭ السىزدىگىنەن ەمەس, ادا­مي فاكتورعا دا بايلانىستى. ياعني, تاجى­ريبەلى مامان­دار زەينەتكە شىعىپ جاتىر, ولاردىڭ ورنىن جاس بۋىن تولتىرىپ ۇلگەرمەۋدە. مەديتسينا مامانى بولۋ ءۇشىن جوعارى وقۋ ورنىندا 10 جىلعا دەيىن ءبىلىم الۋعا تۋرا كەلەدى, ودان كەيىن دە ءبىراز تاجىريبە جيناپ, مىقتى مامان بولعانشا ۋاقىت ءوتىپ كەتەدى. دەمەك, دارى­گەرلىك قىزمەتكە ارمانىنا ادال, ماماندىعىنا قۇلاي بەرىل­گەن ادام عانا كەلەدى, – دەيدى وبلىستىق دەن­ساۋلىق ساقتاۋ باسقار­ماسىنىڭ باسشىسى باۋىرجان ىسقاق. 

ال ايماقتاعى دارىگەر تاپ­شىلىعىن شەشۋ ءۇشىن وبلىستىق بيۋدجەتتەن 18 ملن تەڭگە قارجى قارالىپ, تالاپتى جاستاردىڭ جوعارى وقۋ ورىندارىنا­ تۇ­سۋىنە جاعداي جاسالعان. اتاپ ايت­قاندا, 47 بو­لاشاق دارىگەر الماتى قالا­­سىنداعى مەديتسينالىق ءبىلىم بەرەتىن وقۋ ورىندارىندا وبلىستىڭ ەسەبىنەن وقىپ جاتىر. ونىڭ ىشىندە 26 ستۋ­دەنت­كە وبلىس اكىمىنىڭ گرانتى تاعايىندالعان. بيىل وقۋ شىعىن­دارى ءۇشىن بولىنگەن قارجى تاعى 26,5 ملن تەڭگەگە كوبەيدى. كەلەر جىلعى تالاپ­كەرلەر ءۇشىن دە 4,6 ملن تەڭگە قاراستىرىلىپ, بيۋدجەت ەسەبى­نەن وقىتۋ ءىسى جالعاسىن تابادى.

سونداي-اق الماتى وبلى­سىندا تۇر­عىلىقتى جەرى بويىن­شا ەمحاناعا تىركەلگەن ادام­داردىڭ ۇلەسى 90 پايىزعا جەتتى. بۇعان دەيىن ايماقتا 100 214 تۇرعىننىڭ تۇراقتى تىركەۋى جوق ەكەنى سىنعا الىنعان بولاتىن. قازىر بۇل ءتىزىم 35 306 ادامعا دەيىن قىسقارىپ, 64 908 تۇرعىن مەديتسينا مەكە­مەلەرىنىڭ قاراۋىنا جازىلدى. تۇرعىنداردىڭ دەنساۋلىق ساقتاۋ مەكەمەلەرىنە تىر­كەۋگە تۇرۋى دارىگەرلىك كومەك الۋدىڭ ماسە­لەسىن شەشۋگە ىقپال ەتەدى. اسىرەسە بيىلدان باس­تاپ ىسكە قوسىلاتىن مىندەتتى الەۋ­مەت­تىك مەديتسينالىق ساقتان­دىرۋ جۇيەسى ارقىلى ەم-دوم الۋ قولجەتىمدى بولماق. ياعني, «مىندەتتى الەۋمەتتىك-مەدي­تسينالىق ساقتاندىرۋ» جۇيەسى ىسكە قوسىلعاننان كەيىن, ناۋقاس تىركەلگەن ەمحاناعا قارالعان كەز­دە ونىڭ جارنا تولەۋى ماڭىز­دى ورىنعا شىعادى. 

– تۇرعىنداردىڭ تىركەۋگە تۇرۋى وزدەرى ءۇشىن وڭتايلى. الداعى جىلدان مەديتسينالىق قىزمەت كورسەتۋ جا­ڭا ەرەجەگە ساي جۇرەدى. وسى جەردە ەم الۋ­شىنىڭ مىندەتتى جارنانى تولەگەنى باستى ورىنعا شى­عادى. ارينە بۇل ماسەلەنىڭ ءالى دە جەتىلدىرەتىن تۇستا­رى بار. كەدەرگىلەردى ءىس بارىسىندا ەڭ­سە­رە­مىز. سوندىقتان تىركەلۋ مەن جارنا تو­لەۋ ءار ادام ءۇشىن مىندەتتى بولۋى ءتيىس, – دەيدى وبلىستىق دەنساۋلىق ساقتاۋ باسقار­ماسىنىڭ باسشىسى باۋىرجان ىسقاق.

الماتى وبلىسى