رۋحانيات • 17 قاڭتار، 2020

ۇلتتىق مۋزەيدە «EسOSOPHY نەمەسە كيەلى تابيعات» كىتابىنىڭ تۇساۋكەسەرى وتەدى

108 رەتكورسەتىلدى

ەرتەڭ ساعات 15:00-دە ەلورداداعى ۇلتتىق مۋزەيدە «EسOSOPHY نەمەسە كيەلى تابيعات» كىتابىنىڭ تۇساۋكەسەرى وتەدى. بۇل تۋرالى مۋزەيدىڭ ءباسپاسوز قىزمەتى حابارلادى. 

بۇل كىتاپ «وتباسى حرەستوماتياسى» قورىنىڭ كەزەكتى ءونىمى – ەكوسوفيا عىلىمىنا نەگىزدەپ قۇراستىرىلعان قازاقستانداعى العاشقى جوبا. مۇندا ەجەلگى تۇركى داۋىرىنەن باستالاتىن قازاق فولكلورىنىڭ تابيعات جانە جانۋارلار الەمى تۋرالى قىزىقتى ميفتەر، اڭىزدار جيناقتالعان. «وتباسى حرەستوماتياسى» قوعامدىق قورى بالالاردى قورشاعان ورتاعا قۇرمەتپەن قاراۋعا باۋلۋدى كوزدەيتىن، ولاردىڭ بويىندا جالپى كيەلى تابيعاتقا جاناشىر كوزقاراستى قالىپتاستىراتىن جاڭا عىلىم سالاسى – ەكوسوفيا عىلىمىن دارىپتەۋمەن اينالىسىپ كەلەدى.

ەكوسوفيا – ەكولوگيا مەن فيلوسوفيا عىلىمدارىنىڭ سينتەزىنەن كەلىپ شىعىپ، قورشاعان ورتاعا كيە ءبىتىرۋ ارقىلى ادامنىڭ بويىندا ەكولوگيالىق مادەنيەت قالىپتاستىرۋدى ماقسات تۇتاتىن كەنجە عىلىم.

ەكوسوفيا دەپ قورشاعان ورتانى ءمان مەن مازمۇنعا تولتىرۋدى ايتادى. بىزدە ەكولوگيانى قورعاۋ زاڭدىق شەكتەۋلەردى كۇشەيتىپ، ايىپپۇلداردى ارتتىرۋعا عانا باعىتتالعان. الايدا مۇنداي كۇرەستىڭ ناتيجەسى شامالى. ويتكەنى ازاماتتاردىڭ بويىندا ەكو-ەتيكەت قالىپتاسپاعان. ەكوسوفيا عىلىمى وسى ولقىلىقتىڭ ورنىن تولتىرۋدى كوزدەيدى. ول وسىمدىكتەر مەن جانۋارلار الەمىنە بيولوگيا كوزىمەن ەمەس، بايىرعى ادامنىڭ ساناسىنداعىداي ساكرالدى، كيەلى جاراتىلىس رەتىندە قاراۋعا شاقىرادى.

تۇساۋكەسەرگە ەكولوگيا، گەولوگيا جانە تابيعي رەسۋرستار ءمينيسترى م.مىرزاعاليەۆ، ەكولوگيا سالاسانىڭ ماماندارى، ەلىمىزگە تانىمال قوعام قايراتكەرلەرى كەلەدى دەپ كۇتىلۋدە.

بۇل كىتاپ بىلتىر قازاق دالاسىندا اقبوكەندەردى قورعايمىن دەپ وققا ۇشقان قورىقشىلار – ەرلان نۇرعاليەۆ پەن قانىش نۇرتازينوۆ مارقۇمداردىڭ رۋحىنا ارنالدى.

ءىس-شاراعا كەلگەن باق وكىلدەرىنە كىتاپ تەگىن بەرىلەدى.

 

سوڭعى جاڭالىقتار

الىپ ءتيىن تورگە وزدى

ايماقتار • كەشە

18،6 ميلليونعا جەتتىك

قازاقستان • كەشە

كحل: «بارىس» جەڭىسكە جەتتى

حوككەي • 15 اقپان، 2020

جول قۇرىلىسىنان تابىلعان اقاۋ كوپ

ايماقتار • 15 اقپان، 2020

اقتوبەدە اۆتوبۋس اۋدارىلدى

ايماقتار • 15 اقپان، 2020

بيىل بقو-دا 1710 پاتەر بەرىلەدى

ايماقتار • 15 اقپان، 2020

جەر سىلكىندى

قازاقستان • 15 اقپان، 2020

ۇقساس جاڭالىقتار