بۇگىندە جەڭىل اقشا تابۋ ءۇشىن تەمىر-تەرسەك قابىلداۋ پۋنكتتەرىنە وتكىزۋ بەلەڭ الۋدا. سول سەبەپتى وبلىس ورتالىعىندا بەتى اشىق قالعان قۇدىقتار كوبەيىپ كەلەدى. مۇنداي كەلەڭسىز كورىنىس بۇرىننان بار. توتەنشە جاعدايلاردىڭ الىن الۋ ءۇشىن ەلىمىزدە 8 قاڭتاردان باستاپ «قاۋىپسىز قالا» اكتسياسى باستاۋ الدى. اكتسياعا بەلسەنە قاتىسقان كوكشەتاۋلىق جاستار ءبىر اپتانىڭ ىشىندە اشىق قالعان قۇدىقتاردىڭ 300-ءىنىڭ جابىلۋىنا سەبەپشى بولدى.
ء– بىز وسىنداي قۇدىقتاردىڭ بىرنەشەۋىن تاپتىق. وسى فاكتىلەر بويىنشا قالا اكىمىنە, «قازاقتەلەكوم», «كوكشەتاۋ سۋ ارناسى» جانە «كوكشەتاۋ جىلۋ» مەكەمەلەرىنە ارنايى حات جازدىق, – دەيدى Jas Otan جاستار قاناتى وبلىستىق فيليالىنىڭ توراعاسى سۇلتانبەك بەكىشەۆ.
ەرىكتىلەردىڭ ايتۋىنشا, اشىق قالعان قۇدىقتاردىڭ دەنى «اۆتوقالاشىق» پەن «شانحاي» ىقشام اۋداندارىندا. كەي تۇستا بەتى اشىق قۇدىقتاردى قالا تۇرعىندارى كورىپ, وزدەرى ءتيىستى مەكەمەلەرگە حابار بەرىپ جاتادى.
– اشىق قۇدىقتاردى تەزىرەك جابۋ كەرەك. وتە قاۋىپتى. وسى ماڭدا بالالارىمىز بەن نەمەرەلەرىمىز جۇرەدى. Jas Otan جاستار قاناتىنا العىسىمىز شەكسىز. وسىنداي ىسپەن ودان ءارى دە اينالىسسا, ءبىز ولارعا كومەكتەسۋگە ءازىرمىز, – دەيدى قالا تۇرعىنى الما سادۋاقاسوۆا.
Jas Otan جاستار قاناتى مەن «فەنيكس» ەرىكتىلەر ورتالىعى بىرىگىپ الداعى ۋاقىتتا «الەۋمەتتىك پاترۋل» قاداعالاۋ جوباسىن ىسكە اسىرۋدى قولعا الماق.
كوكشەتاۋ
