پرەزيدەنت • 17 قاڭتار، 2020

مەملەكەت باسشىسى روزا مۇقانوۆا مەن اقان بيجانوۆتى قابىلدادى

308 رەت كورسەتىلدى

اقوردانىڭ ءباسپاسوز قىزمەتى مەملەكەت باسشىسى بىرقاتار كەزدەسۋ وتكىزدى دەپ حابارلادى.

قاسىم-جومارت توقاەۆ «اقوردا» رەزيدەنتسياسىندا جازۋشى-دراماتۋرگ روزا مۇقانوۆا مەن فيلوسوفيا، ساياساتتانۋ جانە ءدىنتانۋ ينستيتۋتىنىڭ ديرەكتورى اقان بيجانوۆتى قابىلدادى. 

روزا مۇقانوۆا مەملەكەت باسشىسىنا قازاق ۇلتتىق ونەر ۋنيۆەرسيتەتىنىڭ جاس مامانداردى دايارلاۋ باعىتىندا اتقارىپ جاتقان جۇمىستارى جايىندا ايتتى.

اڭگىمەلەسۋ بارىسىندا وتاندىق دراماتۋرگيا مەن تەاتر ونەرىن دامىتۋدىڭ وزەكتى ماسەلەلەرى تالقىلاندى.

اقان بيجانوۆ پرەزيدەنتكە فيلوسوفيا، ساياساتتانۋ جانە ءدىنتانۋ ينستيتۋتىنىڭ جۇمىسى تۋرالى بايانداپ، قازاقستان عىلىمىنىڭ، يدەولوگياسى مەن مادەنيەتىنىڭ قازىرگى احۋالى مەن دامۋ پەرسپەكتيۆالارى جونىندەگى وي-پىكىرىمەن ءبولىستى.

سونىمەن قاتار كەزدەسۋ كەزىندە ءال-ءفارابيدىڭ 1150 جانە ابايدىڭ 175 جىلدىق مەرەيتويلارىن وتكىزۋگە دايىندىق ماسەلەلەرى ءسوز بولدى.

قاسىم-جومارت توقاەۆ قازاقستاندى الەۋمەتتىك-ساياسي جاڭعىرتۋ، سونداي-اق، وسكەلەڭ ۇرپاقتىڭ بويىندا ۇلتتىق قۇندىلىقتاردى قالىپتاستىرۋ بارىسىندا ءال-فارابي مەن ابايدىڭ عىلىمي جانە رۋحاني مۇرالارىن نەگىزگە الۋدىڭ ماڭىزدى ەكەنىن اتاپ ءوتتى. 

سوڭعى جاڭالىقتار

تاكەن جازعان اشتىق

تاريح • كەشە

ۇقساس جاڭالىقتار