كەزدەسۋ بارىسىندا قالانى دامىتۋدىڭ نەگىزگى باعىتتارى, ونىڭ ىشىندە ۋربانيستيكا, تەحنولوگيالاردى كوممەرتسيالاندىرۋ, سونداي-اق «قاراپايىم زاتتار ەكونوميكاسى» باعدارلاماسىن دامىتۋ ماسەلەلەرى تالقىلاندى.
مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس پرەزيدەنتتىك جاستار كادرلىق رەزەرۆى قۇرىلدى.
«بۇگىن قاسىم-جومارت كەمەل ۇلى رەزەرۆكە وتكەن ماماندارمەن كەزدەسۋدە مەملەكەتتىك اپپاراتتى ودان ءارى دامىتۋ تۋرالى بىرقاتار تاپسىرما جۇكتەدى. قازىرگى ءتورتىنشى تەحنولوگيالىق رەۆوليۋتسيا زاماندا بىزگە جاڭاشا ويلايتىن, پراگماتيك ماماندار قاجەت. تسيفرلاندىرۋ داۋىرىندە مەملەكەتتىك قىزمەتكەر اتالمىش قاسيەتتەرگە يە بولۋى ءتيىس. مەملەكەتتىك اپپاراتتىڭ نەگىزگى مىندەتتەرىنىڭ ءبىرى «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ بولىپ تابىلادى. ءبىزدىڭ مىندەتىمىز – حالىقپەن كەرى بايلانىستى نىعايتىپ, ازاماتتاردىڭ وزەكتى ساۋالدارىنا جەدەل جاۋاپ بەرۋ. پرەزيدەنتتىك كادرلىق رەزەرۆ-بۇل مەريتوكراتيا قاعيداتىنا سايكەس كەلەتىن جاستارعا ارنالعان الەۋمەتتىك ليفت. جاستاردى قولداپ, ادامي كاپيتالدى دامىتۋ ءبىزدىڭ باستى مىندەتتەرىمىزدىڭ ءبىرى بولىپ تابىلادى. سىزدەردى قالالىق اكىمدىككە جۇمىسقا شاقىرامىن. ءبىلىمدى جانە كرەاتيۆتى جاستار ءۇشىن ءبىزدىڭ ەسىگىمىز ارقاشان اشىق. سىزدەر بىرنەشە كەزەڭنەن تۇراتىن ساپالى ىرىكتەۋدەن وتتىڭىزدەر. 13 مىڭ ۇمىتكەردىڭ 300-ءى رەزەرۆكە كىردى» دەدى قالا اكىمى التاي كولگىنوۆ.
ەلوردا اكىمى قاتىسۋشىلارعا ەلىمىزدىڭ وركەندەۋى جولىندا ادال ەڭبەك ەتىپ, وسكەلەڭ ۇرپاققا ۇلگى بولۋلارىن تىلەدى. ايتا كەتۋ كەرەك, پرەزيدەنتتىك جاستار كادرلىق رەزەرۆى قاتىسۋشىلارىمەن كەزدەسۋلەر الداعى ۋاقىتتا دا وتەتىن بولادى. قانشا مامان كەلەتىنى تۋرالى تاعايىنداۋلاردان كەيىن جاريالاناتىن بولادى.
