ايماقتار • 16 قاڭتار، 2020

باتىس قازاقستاندا ءبىر ءۇيدىڭ ءۇش ادامىن ءولتىرىپ كەتتى

315 رەتكورسەتىلدى

باتىس قازاقستان وبلىسى، بايتەرەك اۋدانىنا قاراستى يانايكين اۋىلىندا 14 قاراشا كۇنى كەشتە بەلگىسىز بىرەۋلەر ءبىر ءۇيدىڭ ءۇش ادامىن ءولتىرىپ، ۇيگە وت قويىپ كەتكەن.

-ەڭ اۋەلى كورشىلەر ءۇيدىڭ ىشىندە جالىن شىعىپ، ورتەنىپ جاتقانىن بايقاپ، ءورت سوندىرۋشىلەردى شاقىرعان. پوليتسيا وقيعا ورنىنا ءورت سوندىرۋشىلەرمەن بىرگە جەتتى. ءورت ىشىنەن ەڭ الدىمەن ءۇي يەسى، 1953 جىلعى تۋعان ازاماتتىڭ دەنەسى تابىلدى. جەدەل قۇتقارۋ جۇمىستارى ناتيجەسىندە ءۇي يەسىنىڭ زايىبى، 1954 جىلعى ايەل ادامنىڭ جانە 1977 جىلعى ەر ادامنىڭ مۇردەسى دالاعا شىعارىلدى. وكىنىشكە قاراي، ولاردىڭ ۇشەۋى دە دەنە جاراقاتىنان قازا تاپقان. قازىر «كىسى ءولتىرۋ» بابى بويىنشا قىلمىستىق ءىس كوتەرىلىپ، تەرگەۋ جۇرگىزىلۋدە، دەدى بولعان وقيعا جايلى بريفينگ وتكىزگەن بقو پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى سەرىك سۇيىنباەۆ.

ءۇش ادامنىڭ ءولىمى تۋرالى قازاقستان رەسپۋبليكاسىنىڭ ىشكى ىستەر مينيسترىنە دە اقپارات جەتكىزىلگەن. وقيعا ورنىندا بقو پوليتسيا دەپارتامەنتى باستىعى پوليتسيا گەنەرال-مايورى م.ابلازيموۆ، ورىنباسارى ا.تەمىرجانوۆ، جەدەل-تەرگەۋ بولىمدەرى باسشىلارى بارعان. «نۇر-سۇلتان قالاسىنان ارنايى تەرگەۋ توبى ۇشىپ كەلدى. قىلمىستى اشۋعا ەڭ بىلىكتى تەرگەۋشىلەر، كريميناليستەر جۇمىلدىرىلدى. قىلمىستىق وقيعانىڭ بىرنەشە نۇسقاسىن زەرتتەپ جاتىرمىز. مۇردەلەر سوت-مەديتسينالىق ساراپتاماعا جىبەرىلدى. تەرگەۋ مۇددەسى ءۇشىن ازىرگە بۇدان باسقا اقپارات بەرە المايمىز» دەدى سەرىك سۇيىنباەۆ.

پوليتسيا قازا تاپقان جانداردىڭ كىم ەكەندىگىن ايتپاعانىمەن، مارقۇمداردىڭ اتى-ءجونى جۋرناليستەرگە بەلگىلى: ولار – ءۇي يەسى، بۇرىن يانايكين كەڭشارىنىڭ ديرەكتورى بولعان الەكساندر زاپروميوتوۆ جانە ايەلى ۆالەنتينا، ءۇشىنشىسى – ولاردىڭ ۇلى سەرگەي. كەيبىر دەرەكتەرگە قاراعاندا سەرگەي رەسەيدە تۇرادى، اتا-اناسىنىڭ ۇيىنە قىدىرىپ كەلىپ جاتقان ەكەن.

سوڭعى جاڭالىقتار

ۇقساس جاڭالىقتار