بۇرىن جۇمىسسىز رەتىندە تىركەۋ تۋرالى انىقتامانى الۋ ءۇشىن حالىقتى جۇمىسپەن قامتۋ ورتالىعىنا مىندەتتى تۇردە جەكە ءوتىنىش بەرۋ قاجەت بولعان. بۇل رەتتە انىقتاما ءبىر كۇن ىشىندە قاعاز تاسىعىشتا بەرىلدى. ەندى انىقتامانى egov.kz-تە ونلاين تاپسىرىس بەرۋ ارقىلى لەزدە الۋعا بولادى.
ء«بىز الەۋمەتتىك-ەڭبەك سالاسىنداعى مەملەكەتتىك قىزمەتتەردى تالداعان كەزدە, بارلىق مۇمكىن انىقتامالاردى ەلەكتروندىق فورماتقا اۋداراتىن بولامىز, سەبەبى قانداي دا ءبىر ينستانتسيادا انىقتاما بەرۋ بويىنشا قىزمەت كورسەتۋدىڭ ءوزى اسا قيىن پروتسەسس ەمەس. ولاردى الۋ ءۇشىن ازاماتتارعا, مىسالى, جۇمىسپەن قامتۋ ورتالىعىنا بارۋعا تۋرا كەلدى. ەندى تسيفرلاندىرۋ ارقاسىندا جەكە بارىپ ءوتىنىش بەرۋدىڭ قاجەتى جوق. مۇنداي فورماتتىڭ نەگىزگى ارتىقشىلىعى – بۇل انىقتامانى كەز-كەلگەن جەردەن الۋعا بولادى, ەڭ باستىسى ينتەرنەتكە قولجەتىمدىلىك بولۋ كەرەك. بولاشاقتا مەملەكەتتىك ورگاندار بازاسىندا اقپارات بار بولسا, انىقتاما الۋدان باس تارتقىمىز كەلەدى», – دەدى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ.
ەلەكتروندىق ۇكىمەت پورتالىندا انىقتاما الۋ ءۇشىن باستى بەتتە «قىزمەتتەر» باتىرماسى بويىنشا باسۋ كەرەك, ءارى قاراي «جۇمىسقا ورنالاستىرۋ جانە جۇمىسپەن قامتۋ» بولىمىنە ءوتۋ كەرەك. قىزمەتتى تاڭداۋ ارقىلى اۆتوريزاتسيالانۋ, ءوتىنىمدى تولتىرۋ, ونى ەلەكتروندىق تسيفرلىق قولتاڭبامەن نەمەسە سمس-پارولمەن كۋالاندىرۋ قاجەت ء(موبيلدى ازاماتتار بازاسىندا تىركەلۋ قاجەت). جۇمىسسىز رەتىندە تىركەلۋ تۋرالى انىقتاما بىردەن جەكە كابينەتتە «قىزمەتتەردى الۋ تاريحى» بولىمىندە پايدا بولادى.
