قوعام • 15 قاڭتار، 2020

«تسيفرلىق قازاقستان» باعدارلاماسىن ىسكە اسىرۋ كەزىندە 8 مىڭ جۇمىس ورنى قۇرىلدى

49 رەتكورسەتىلدى

قازىرگى ۋاقىتتا قازاقستاندىق ەكونوميكانى تسيفرلاندىرۋدىڭ ارتىپ كەلە جاتقان وزەكتىلىگى الەمدىك ارەنادا ەلىمىزدىڭ ودان ءارى ەكونوميكالىق ءوسۋى مەن باسەكەگە قابىلەتتىلىگىن قامتاماسىز ەتۋگە مۇمكىندىك بەرەدى. وسى ماقساتقا جەتۋدىڭ نەگىزگى قۇرالى — «تسيفرلىق قازاقستان» مەملەكەتتىك باعدارلاماسى. بۇل تۋرالى primeminister.kz حابارلادى. 

تسيفرلاندىرۋ ۇلتتىق ەكونوميكانىڭ قوزعاۋشى كۇشى جانە تۇراقتى جۇمىس ورىندارىن قۇرۋشى بولا الادى. تسيفرلاندىرۋ جۇمىس ورىندارىن قۇرۋدىڭ جاڭا تولقىنىن باستاۋعا مۇمكىندىك بەرەتىن قازاقستان ەكونوميكاسىنا جاڭا تەحنولوگيالاردىڭ بەيىمدەلۋى مەن ولاردى ازىرلەۋدىڭ قوزعاۋشى كۇشىنە اينالادى. 2019 جىلى «تسيفرلىق قازاقستان» مەملەكەتتىك باعدارلاماسىنىڭ ءىس-شارالارىن جۇزەگە اسىرۋ اياسىندا 8 مىڭ جۇمىس ورنى قۇرىلدى.

باعدارلامادان تۇسكەن جالپى ەكونوميكالىق تيىمدىلىك 2018 جانە 2019 جىلدارى 600 ملرد تەڭگەدەن استى. مەملەكەتتىك قىزمەتتەردى ۇسىنۋ، ءبىلىم بەرۋ، دەنساۋلىق ساقتاۋ، قارجى، كولىك جانە تاۋ-كەن مەتاللۋرگياسى سالالارىندا تسيفرلىق تەحنولوگيالاردى ەنگىزۋدە ايتارلىقتاي ەلەۋلى جەتىستىكتەرگە قول جەتكىزىلدى.

تسيفرلىق تەحنولوگيالاردىڭ ودان ءارى ينتەگراتسيالانۋى قازاقستاننىڭ الەمدەگى باسەكەگە اسا قابىلەتتى 30 ەلدىڭ قاتارىنا ەنۋى ءۇشىن جانە قازاقستاندىقتاردىڭ ءال-اۋقاتىن جاقسارتۋ ءۇشىن وتە ماڭىزدى.

 

ەلەكتروندى ەڭبەك بيرجاسى 

الەۋمەتتىك-ەڭبەك سالاسىن تسيفرلاندىرۋ تۇرعىسىنان ەلەكتروندى ەڭبەك بيرجاسى ءساتتى جۇمىس ىستەپ تۇر. سونىڭ ناتيجەسىندە جۇمىسقا ورنالاستىرۋ پروتسەسى ەكى ەسەگە قىسقاردى، ال جالپى پروتسەدۋرانىڭ ءوزى ايقىندانا ءتۇستى.

2019 جىلى ەلەكتروندىق ەڭبەك بيرجاسى ارقىلى 488 مىڭنان استام جۇمىس ىزدەۋشى جۇمىسقا ورنالاستىرىلدى، ولاردىڭ ىشىندە 350 مىڭ ادام تۇراقتى جۇمىس ورىندارىنا ورنالاستى.

سونداي-اق، ەلەكتروندى ەڭبەك شارتتارى ىسكە قوسىلىپ، بۇگىندە 742 مىڭ ەلەكتروندىق كەلىسىمشارت جاسالدى. 2019 جىلدىڭ قورىتىندىسى بويىنشا الەۋمەتتىك ەڭبەك سالاسىندا 9،8 ملن-نان استام قىزمەت كورسەتىلدى، ال مەملەكەتتىك قىزمەتتەردىڭ 80%-ى ەلەكتروندى فورماتتا ۇسىنىلدى.

تسيفرلىق جوبالاردى ىسكە اسىرۋدىڭ ارقاسىندا جۇمىس بەرۋشىلەر مەن جۇمىس ىزدەۋشىلەر شامامەن 862،2 ملن تەڭگە ۇنەمدەدى. ەڭبەك شارتىن ەسەپكە الۋدىڭ بىرىڭعاي جۇيەسىن پايدالانۋ كەزىندەگى شىعىنداردى ۇنەمدەۋ 292،4 ملن تەڭگەنى قۇرادى.

 

يندۋستريا 4.0.

«ەكونوميكا سالالارىن تسيفرلاندىرۋ» باعىتى اياسىندا ونەركاسىپ سالالارىنىڭ كاسىپورىندارىن تەحنولوگيالىق قايتا جاراقتاندىرۋ يندۋستريا 4.0 ەلەمەنتتەرىن قولدانۋمەن جۇزەگە اسىرىلاتىن وتىن-ەنەرگەتيكا جانە تاۋ-كەن مەتاللۋرگياسى كەشەندەرىنىڭ كاسىپورىندارىندا تسيفرلىق تەحنولوگيالار ەنگىزىلۋدە.

مۇناي-گاز سالاسىندا اتىراۋ مەن پاۆلودار مۇناي-حيميا زاۋىتتارىندا 3 جىلدىق جوندەۋ ارالىق كەزەڭىنە ءوتۋ جۇزەگە اسىرىلدى، بۇل جوندەۋ شىعىندارىن ازايتۋعا جانە وڭدەۋ كولەمىن جىلىنا ورتاشا ەسەپپەن 300 مىڭ تونناعا ارتتىرۋعا مۇمكىندىك بەردى.

سونداي-اق، «وزەنمۇنايگاز» اق، «قازگەرمۇناي» بك» جشس، «قاراجانباسمۇناي»اق، «ەمبىمۇنايگاز» اق 4 كاسىپورنى «زياتكەرلىك كەن ورنى» اقپاراتتىق جۇيەسىن ىسكە اسىرۋدا.

اتالعان تەحنولوگيانى ەنگىزۋ ەلەكتر ەنەرگياسىن تۇتىنۋ شىعىندارىن 15%-عا دەيىن وڭتايلاندىرۋعا، ءوندىرۋ دەڭگەيىن 2%-عا دەيىن تۇراقتاندىرۋعا مۇمكىندىك بەرەدى، سونىمەن قاتار كەن ورىندارىن ورتالىقتاندىرىلعان باسقارۋدى جانە قاشىقتان باقىلاۋدى، ۇڭعىمالار مەن كاسىپتىك جابدىقتار جۇمىسىن وڭتايلاندىرۋدى قامتاماسىز ەتەدى.

تەمىر جولداعى اقاۋلار مەن رەلستەردىڭ كەمشىلىكتەرىن ۋاقىتىلى انىقتاۋ ەسەبىنەن پويىزدار قوزعالىسىنىڭ قاۋىپسىزدىگىن ارتتىرۋ ءۇشىن «ماگيسترال» اۆتوماتتى باسقارۋ جۇيەسىن ەنگىزۋ» جوباسى جۇزەگە اسىرىلۋدا. قازىرگى ۋاقىتتا ماگيسترالدى جەلىلەردىڭ ينفراقۇرىلىمىن دياگنوستيكالاۋدى 3 ءموبيلدى دياگنوستيكالىق كەشەندەر (مدك) جۇرگىزەدى. سونىمەن قاتار، قوسىمشا 3 مدك قۇرۋ جوسپاردا بار.

ءموبيلدى دياگنوستيكالىق كەشەندەر جۇمىسىنىڭ ناتيجەلەرى بويىنشا 2019 جىلدىڭ 4-توقسانىندا شامامەن 19 000 شاقىرىم جول دياگنوستيكالاندى. سونىمەن قاتار، 190 شاقىرىمنان استامى قاناعاتتانارلىقسىز باعامەن انىقتالدى. 85-كە جۋىق وتە اقاۋلى رەلستەر ايقىندالدى، ياعني رەلستىڭ 85 ومىرىلۋ جاعدايىنا جول بەرىلمەدى.

 

زياتكەرلىك كولىك جۇيەسى

كولىك پەن لوگيستيكانى تسيفرلاندىرۋ تۇرعىسىنان «زياتكەرلىك كولىك جۇيەسى» جوباسى ىسكە اسىرىلىپ جاتىر، ول اۆتوموبيل جولدارى، كولىك قۇرالدارى، اقىلى جولدار ارقىلى ءجۇرۋ، قالاارالىق اۆتوبۋستارداعى جولاۋشىلار، سونداي-اق راسىمدەلگەن بيلەتتەر تۋرالى مالىمەتتەردى جينايدى جانە وڭدەيدى.

زياتكەرلىك كولىك جۇيەسىنىڭ قۇرامداس بولىكتەرىنىڭ ءبىرى — اقى الۋ جۇيەسى، سونىمەن قاتار جول قوزعالىسى قاتىسۋشىلارىنا جولداعى جاعداي تۋرالى اقپاراتتى جيناۋ جانە ۇسىنۋ جۇيەسى بولىپ تابىلادى.

بۇگىندە 3 ۋچاسكەدە اقى الۋ جۇيەسى ىسكە قوسىلدى: الماتى – قاپشاعاي (42 كم)، الماتى – قورعاس (295 كم) جانە نۇر-سۇلتان – تەمىرتاۋ (134 كم) جالپى ۇزىندىعى 471 شاقىرىم.

كولىكتىك باقىلاۋدى اۆتوماتتاندىرۋ ءۇشىن 24 ارنايى اۆتوماتتاندىرىلعان ولشەۋ قۇرالى ەنگىزىلدى.

ولاردىڭ كومەگىمەن 2019 جىلدىڭ قىركۇيەك ايىنان باستاپ سالماق پارامەترلەرى بويىنشا 82 بۇزۋشىلىق انىقتالدى جانە الىمدار مەن ايىپپۇلدار تۇرىندە شامامەن 8،6 ملن تەڭگە ءوندىرىپ الىندى.

ونەركاسىپتى تسيفرلاندىرۋ اياسىندا تسيفرلاندىرۋدىڭ تيىمدىلىگى مەن اسەرىن كورسەتۋگە، كەدەرگىلەردى انىقتاۋعا جانە مەملەكەتتىك قولداۋ قۇرالدارىن ازىرلەۋگە مۇمكىندىك بەرەتىن مودەلدى تسيفرلىق فابريكالار قۇرۋ جوباسى جۇزەگە اسىرىلىپ جاتىر. 51 جوبانى ىسكە اسىرۋعا باستاما ءبىلدىرىلدى، ونىڭ 16 جوباسى اياقتالدى.

 

Astana Hub

بۇگىنگى تاڭدا Astana Hub-تا سالىق، ەڭبەك جانە ۆيزالىق جەڭىلدىكتەر الۋعا جاعداي جاسالعان، ستارتاپتاردى دامىتۋ باعدارلامالارى بار.

جالپى العاندا، بۇگىندە تەحنوپارككە 163 اT-كومپانيا، 700-گە جۋىق ستارتاپ، 17 R&D وتاندىق جانە شەتەلدىك اT-كومپانيالاردىڭ ورتالىقتارى (CISCO، NOKIA، IBM، Microsoft جانە باسقالار)، زاماناۋي حالىقارالىق وقىتۋ ادىستەمەسى بويىنشا «alem» باعدارلامالاۋ مەكتەبى كىرەدى. جەرگىلىكتى قامتۋ ۇلەسى 57،7%-دى قۇرادى.

Astana Hub الاڭىندا 2019 جىلى 530 ءىس-شارا وتكىزىلدى، وعان 17 مىڭعا جۋىق ادام قاتىستى.

2019 جىلى 25 حالىقارالىق ۇيىممەن يننوۆاتسيالىق ءوزارا ءىس-قيمىلدى دامىتۋ شەڭبەرىندە ىنتىماقتاستىق تۋرالى مەموراندۋمدار جاسالدى.

بۇل شارالار ستارتاپ مادەنيەتتى دامىتۋ ءۇشىن قولايلى جاعداي جاساۋعا جانە 2019 جىلى وتاندىق ستارتاپ جوبالارعا 18 ملرد تەڭگەدەن استام ينۆەستيتسيا تارتۋعا مۇمكىندىك بەردى. قازاقستاننىڭ ات-نارىعىنا تارتىلعان ينۆەستيتسيالاردىڭ جالپى كولەمى سوڭعى 2 جىلدا شامامەن 32،4 ملرد تەڭگەنى قۇرادى.

ء«بىزدىڭ تەحنوپاركىمىزدىڭ باعدارلامالارى قازاقستاننىڭ ستارتاپ-جوبالارىنىڭ قانشالىقتى جاقسى ەكەنىن جانە ولار دامىعان حالىقارالىق ستارتاپ-ەكوجۇيەنىڭ دەڭگەيىنە قانشالىقتى جىلدام ىلگەرىلەپ كەلە جاتقانىن تۇسىنۋگە مۇمكىندىك بەردى. جوبالارىمىزدىڭ ساپاسىن زەرتتەي كەلە، ينۆەستيتسيالارىمىزدىڭ وتەلگەنىن ايتۋعا بولادى»، — دەدى Astana Hub اT-ستارتاپتاردىڭ حالىقارالىق تەحنوپاركىنىڭ باس ديرەكتورى دجوزەف تسيگلەر.

كەلەسى كەزەڭدە مەملەكەت باسشىسىنىڭ العا قويعان مىندەتتەرىنە سايكەس Astana Hub ەكوجۇيەسىنە يننوۆاتسيالىق ينفراقۇرىلىمنىڭ وڭىرلىك وبەكتىلەرىن – تەحنوپاركتەردى، ينكۋباتورلاردى، اكسەلەراتورلاردى، يننوۆاتسيالار ورتالىقتارىن، اT-حابتاردى، اكادەميانىڭ ستارتاپىن، كوممەرتسيالاندىرۋ كەڭسەلەرىن، جوو-لار، عزي جانە ت. ب. بەلسەندى تارتۋ جوسپارلانۋدا.

قابىلدانىپ جاتقان شارالار رەسپۋبليكالىق دەڭگەيدە Astana Hub باعدارلامالارىنا ودان ءارى قاتىسۋ جانە حالىقارالىق ارىپتەستەرمەن ىنتىماقتاستىق ورناتۋ ءۇشىن وڭىرلەردە pre-seed ساتىسىندا يننوۆاتسيالىق جوبالاردى دايىنداۋدى قامتاماسىز ەتۋگە مۇمكىندىك بەرەدى.

 

مەملەكەتتىك قىزمەتتەردى اۆتوماتتاندىرۋ

مەملەكەتتىك قىزمەتتەردى اۆتوماتتاندىرۋ جۇمىستارىن جۇرگىزۋ اياسىندا مەملەكەتتىك قىزمەتتەر تىزىلىمىنە 723 قىزمەت ەنگىزىلگەن، ونىڭ ىشىندە 580 قىزمەت نەمەسە 80،2% ەلەكتروندى تۇردە كورسەتۋ كوزدەلگەن. مەملەكەتتىك قىزمەتتەردى وڭتايلاندىرۋ بويىنشا جۇمىستار جۇرگىزىلدى، سونىڭ ناتيجەسىندە مەملەكەتتىك قىزمەتتەر سانى 17-گە (740-تان 723-كە دەيىن) قىسقاردى.

قازىرگى تاڭدا ءوتىنىش بەرۋشىلەرگە 17 پرواكتيۆتى جانە 21 كومپوزيتتى مەملەكەتتىك قىزمەت كورسەتىلەدى. جۇرگىزىلگەن وڭتايلاندىرۋ جۇمىستارى قۇجاتتاردىڭ ورتاشا پاكەتىن 30%-عا، سونداي-اق مەملەكەتتىك قىزمەتتى ۇسىنۋ مەرزىمىن ورتا ەسەپپەن 3 ەسەگە قىسقارتتى.

مەملەكەتتىك قىزمەتتەردى اۆتوماتتاندىرۋ قاعاز تۇرىندەگى قۇجات اينالىمىن 70،8 ملن قۇجاتقا قىسقارتۋعا مۇمكىندىك بەرىپ، 8،4 ملرد تەڭگەدەن استام جاناما ەكونوميكالىق ناتيجە بەرەدى.

دەنساۋلىق ساقتاۋدى تسيفرلاندىرۋ اياسىندا ۇيىمداردىڭ 97،5%-ى كومپيۋتەرلىك تەحنيكامەن جابدىقتالعان جانە 100%-ى ينتەرنەت جەلىسىنە قوسىلعان. قازاقستان تۇرعىندارىنىڭ 17،9 ملن-ىندا (95،7%) وڭىرلىك ەلەكتروندىق دەنساۋلىق پاسپورتتارى بار.

قابىلدانعان شارالار حالىققا دەنساۋلىق ساقتاۋ قىزمەتتەرىن كورسەتۋ ساپاسىن جاقسارتۋعا، سونداي-اق دارىگەرلەردىڭ ەڭبەگىن جەڭىلدەتۋگە مۇمكىندىك بەردى.

ەلەكتروندىق سەرۆيستەر ارقىلى الدىن الا جازىلۋ ارقىلى ەمحانالارداعى «جاندى» كەزەكتەر 30%-عا قىسقارتىلدى، بۇل پاتسيەنتتەردىڭ ەمحانالاردا بولۋ ۋاقىتىن ەكى ەسە قىسقارتتى. زەرتتەۋ ناتيجەلەرىن الۋ ۋاقىتى 1،8 ەسەگە (7 ساعاتتان 4 ساعاتقا دەيىن) قىسقارتىلدى.

پاتسيەنتتەرگە قىزمەت كورسەتۋدىڭ ورتاشا ۋاقىتىن قىسقارتۋ ەسەبىنەن دارىگەرلەر مەن پاتسيەنتتەردىڭ ۋاقىتى 45%-عا قىسقاردى، جەدەل جاردەم جۇمىسى وڭتايلاندىرىلدى: ديسپەتچەرلىك قىزمەتكە تۇسەتىن شاقىرۋلاردى وڭدەۋ ۋاقىتى 26%-عا قىسقارتىلدى، سونىڭ ناتيجەسىندە جەدەل مەديتسينالىق جاردەمنىڭ كەلۋىن كۇتۋ ۋاقىتى 1،3 ەسە قىسقاردى.

سونداي-اق، مەديتسينالىق اقپاراتتىق جۇيەلەردى اۋىلداردا ەنگىزۋ جانە ەلەكتروندىق دەنساۋلىق پاسپورتتارىمەن قامتاماسىز ەتۋ دەڭگەيىن 100%-عا دەيىن جەتكىزۋ بويىنشا جۇمىستار جالعاستىرىلاتىن بولادى.

ءبىلىم بەرۋدى تسيفرلاندىرۋ اياسىندا مەكتەپتەر كومپيۋتەرلىك تەحنيكامەن قامتاماسىز ەتىلدى. وقۋشىلار ەلەكتروندى كۇندەلىكتەر مەن جۋرنالداردى پايدالانادى (7014 مەكتەپتەن 6703-ءى). مەكتەپتەردىڭ 90%-ى (6336 مەكتەپ) جىلدامدىعى 4 مبيت/سەك جانە ودان جوعارى ينتەرنەتپەن قامتاماسىز ەتىلگەن. 

مەكتەپكە دەيىنگى بالالارعا ءبىلىم بەرۋ مەكەمەلەرىنىڭ 78،5%-ىندا قابىلداۋعا كەزەكتى ەلەكتروندى قويۋ ەنگىزىلگەن، مەكتەپتەردىڭ 70،3%-ى وقۋشىلاردى ونلاين قابىلدايدى. مەملەكەتتىك ءبىلىم بەرۋ قىزمەتتەرىنىڭ 74%-ى اۆتوماتتاندىرىلعان. 

جالپى، ءبىلىم بەرۋ جۇيەسىن تسيفرلاندىرۋ اۋىل مەن قالا مەكتەپتەرىنىڭ ءبىلىم بەرۋ ساپاسىنىڭ اراسىنداعى ايىرماشىلىقتى 30%-دان استامعا قىسقارتۋعا مۇمكىندىك بەردى. 

مەملەكەتتىك باعدارلاما اياسىندا شوب قولداۋعا جانە شاعىن جانە ورتا بيزنەس ءۇشىن قولايلى احۋال جاساۋعا كوپ كوڭىل بولىنەدى.

ماسەلەن، «استانا-1» اقپاراتتىق جۇيەسىن ىسكە قوسۋدىڭ ارقاسىندا، كەدەندىك دەكلاراتسيانى تولتىرۋ مەرزىمى بىرنەشە كۇن مەن ساعاتتان 1 مينۋتقا دەيىن قىسقاردى جانە اۆتوماتتى رەجيمدە 1،3 ملن دەكلاراتسيا وڭدەلدى. وسىنىڭ ارقاسىندا، سەق قاتىسۋشىلارى 56،6 ملرد تەڭگە كولەمىندە قارجى ۇنەمدەدى. 

بيزنەس ءۇشىن ساۋدا جۇرگىزۋ جاعدايلارىن جاقسارتۋعا جانە «كولەڭكەلى» ەكونوميكانى انىقتاۋعا مۇمكىندىك بەرەتىن «ەلەكتروندىق شوت-فاكتۋرالار»، «تاۋارلاردى تاڭبالاۋ» جۇيەلەرى ىسكە اسىرىلدى. 2019 جىلدىڭ 1 قاڭتارىنان باستاپ بارلىق ققس تولەۋشىلەر ەشف پايدالانادى.

سونداي-اق، بۇگىنگى كۇنى 540 مىڭ باقىلاۋ-كاسسالىق ماشينالار پايدالانىلۋدا، ولاردىڭ 95%-ى «ونلاين» رەجيمىندە قوسىلعان.

اۋىلدىق ەلدى مەكەندەردى ينتەرنەت جەلىسىنە كەڭجولاقتى قولجەتىمدىلىك قىزمەتىمەن قامتاماسىز ەتۋ ماقساتىندا، 1250 اەم قامتاماسىز ەتۋ جوسپارلانعان، ونىڭ ىشىندە 2018 جىلى – 56 اەم، 2019 جىلى – 705 اەم، 2020 جىلى – 489 اەم. 

بۇل 3 718 مەملەكەتتىك ورگان مەن بيۋدجەتتىك ۇيىمعا جىلدامدىعى جوعارى ينتەرنەتكە قوسىلۋعا مۇمكىندىك بەرەدى. بۇل رەتتە، اۋىلدىق ەلدى مەەندەردىڭ ءتىزىمىن جاساۋ كەزىندە ءتىزىم كەلىسۋ ءۇشىن جەرگىلىكتى اتقارۋشى ورگاندارعا جىبەرىلەدى. سالىنعان ينفراقۇرىلىم ۇيالى بايلانىس وپەراتورلارىنىڭ دامۋىن ىنتالاندىرادى. توبج جالپى ۇزىندىعى 20 مىڭ شاقىرىمنان اسادى. 

سونىمەن قاتار، 2019 جىلدىڭ 3 توقسانىنىڭ قورىتىندىسى بويىنشا 299 اۋىلدا ورنالاسقان 841 مەملەكەتتىك ورگان مەن بيۋدجەتتىك ۇيىم قوسىلعان. كەڭجولاقتى ينتەرنەتكە قولجەتىمدىلىكتى ودان ءارى قامتاماسىز ەتۋ ءمجا كەلىسىمشارتتارىنا سايكەس قوسۋ كەستەسىنە وراي جۇزەگە اسىرىلادى. 

2018 جىلدىڭ ناتيجەلەرى بويىنشا 10 نىسانالى ينديكاتور مەن 20 كورسەتكىشتى ىسكە اسىرۋ قاراستىرىلدى، ونىڭ ىشىندە ءتۇرلى حالىقارالىق رەيتينگتەردەگى ەلىمىزدىڭ ورنى بار. ماسەلەن، 2018 جىلى ەلىمىزدىڭ پوزيتسياسى حالىقارالىق ەلەكتر بايلانىسى وداعىنىڭ كيبەرقاۋىپسىزدىك جاھاندىق يندەكسى دەڭگەيى بويىنشا جاقساردى. حالىقارالىق ەلەكتر بايلانىسى وداعىنىڭ (ITU) ەسەبىنە سايكەس، قازاقستان 2018/2019 كيبەرقاۋىپسىزدىك جاھاندىق يندەكسىندە 40 ورىن الىپ، وتكەن جىلعى رەيتينگپەن سالىستىرعاندا 42 پۋنكتكە كوتەرىلگەن (82 ورىن). 

رەيتينگ قۇرعاندا بارلىق بەس نەگىزگى كريتەري نازارعا الىنادى: زاڭنامالىق بازا، تەحنيكالىق جانە ۇيىمداستىرۋشىلىق ءىس-شارالار، حالىقارالىق ارەناداعى قىزمەتى مەن سالانى دامىتۋ ءۇشىن الەۋەت قۇرۋى. 

2018 جىلى ەلىمىز «ۆەنچۋرلىق كاپيتالدىڭ قولجەتىمدىلىگى» ينديكاتورى بويىنشا دەف بجي رەيتينگىندە ءوزىنىڭ پوزيتسيالارىن جاقسارتتى. قازاقستان بۇل يندەكس بويىنشا 90-ءشى ورىن الىپ، وتكەن جىلعى رەيتينگپەن سالىستىرعاندا 12 پۋنكتكە كوتەرىلدى (102 ورىن). 

بيىل تسيفرلىق ساۋاتتىلىق بويىنشا وقىتىلعان تۇرعىنداردىڭ جالپى سانى 532 مىڭ ازاماتتى قۇرادى (جوسپاردا 462 846 ادام). 

سونىمەن قاتار، الەۋمەتتىك ءالجۋاز توپتان 78،3 مىڭ ازامات تسيفرلىق ساۋاتتىلىققا وقىتىلدى. 

سوڭعى جاڭالىقتار

ۇقساس جاڭالىقتار