«كىتاپ كورمەسىندە اباي الەمىنە بايلانىستى 185-تەن استام كىتاپتار, اقىننىڭ شىعارمالارى مەن اۋدارمالارى شوعىرلانعان. بىرنەشە بولىمنەن قۇراستىرىلعان. كىتاپ كورمەسى اباي الەمىن وقىرماندارعا جان-جاقتى تانىستىرۋ ماقساتىندا ۇيىمداستىرىلىپ وتىر», دەيدى قالالىق ورتالىقتاندىرىلعان كىتاپحانالار جۇيەسى ديرەكتورىنىڭ ورىنباسارى ءلاززات سپاتاەۆا.
مەملەكەت باسشىسى قاسىم-جومارت توقاەۆ ءوز ماقالاسىندا ابايدىڭ تۋعان جەرىن, سەمەي ءوڭىرىن الەۋمەتتىك-ەكونوميكالىق تۇرعىدان كەشەندى دامىتۋدى قولعا الۋدى تاپسىرعان ەدى. كورمەگە كەلگەن اقىننىڭ ۇرپاقتارى مۇنداي جاڭالىقتى ەستىپ, كوزايىم بولعاندارىن ايتادى. ال كورمە عۇلامامەن بايلانىستى جان-جاقتى ماتەريالدارمەن تولىقتىرىلىپ, جىل سوڭىنا دەيىن اشىق بولادى.
– شاكارىم اتانىڭ دەنەسىن قۇر قۇدىققا لاقتىرعانى كوپشىلىككە ايان. وتىز جىلدان كەيىن بالاسى احات قازىپ الىپ شىعادى دا, قاراۋىلدى اۋىلداعى ۇيدە ارۋلاپ سول ۇيدەن شىعارعان بولاتىن. سول ۇيدە مەنىڭ بالالىق شاعىم ءوتتى. ءالى كۇنگە دەيىن ول ءۇي بار. ءالى كۇنگە دەيىن سول ۇيدە ۇرپاقتارى جالعاسۋدا» - دەيدى اباي قۇنانباي ۇلىنىڭ ءىنىسى ىسقاقتىڭ ۇرپاعى نۇرگۇل ىسقاقوۆا
الماتى
