«استانا» حالىقارالىق قارجى ورتالىعى تاراپىنان شاراعا احقو قۇقىق اكادەمياسىنىڭ مۇشەسى ي. روگوۆ, احقو باسقارما توراعاسىنىڭ ءبىرىنشى ورىنباسارى م. ايتەنوۆ جانە احقو بيرجاسىنىڭ وكىلى قاتىستى.
كەزدەسۋگە قاتىسۋشىلارعا احقو-نىڭ اعىمداعى جەتىستىكتەرى مەن 2020 جىلعا جوسپارلارى تۋرالى اقپارات بەرىلدى. سونىمەن قاتار احقو-نىڭ يۋريسديكتسياسى مەن ونى قولدانۋعا قاتىستى پراكتيكالىق ماسەلەلەر تالقىلاندى. اتاپ ايتقاندا, احقو قۇقىقتىق جۇيەسىندەگى جۇمىستىڭ ەرەكشەلىكتەرى, مەملەكەتتىك كومپانيالاردىڭ حالىقارالىق تورەلىك ورتالىعىنداعى سوت پروتسەستەرىنە قاتىسۋ مۇمكىندىكتەرى, احقو-دا باعالى قاعازدارمەن جاسالاتىن مامىلەلەردى رەتتەۋ جانە ت.ب. ماسەلەلەر تالقىعا ءتۇستى.
كەزدەسۋ قورىتىندىسى بويىنشا قاتىسۋشىلار اقپاراتپەن جانە احقو جۇمىسىنىڭ پراكتيكالىق تاجىريبەسىمەن الماستى, سونداي-اق قىزىقتىرعان سۇراقتارىنا جاۋاپتار الدى, بۇل احقو مەن قازاقستاننىڭ زاڭ قاۋىمداستىعى اراسىنداعى ءوزارا ءتيىمدى قاتىناستاردىڭ دامۋىنا جاڭا سەرپىن بەرەدى.
