قازاقستان • 13 قاڭتار، 2020

Qatar Airways قازاقستانعا اۋە رەيستەرىن اشادى

33 رەتكورسەتىلدى

2020 جىلدىڭ 30 ناۋرىزىندا Qatar Airways اۋە كومپانياسىنىڭ دوحا مەن نۇر-Cۇلتان قالالارى اراسىنداعى العاشقى رەيستى ورىنداۋ ءراسىمى وتەدى. بۇل تۋرالى يندۋستريا جانە يفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنىڭ Facebook پاراقشاسىندا جاريالاندى.

ازاماتتىق اۆياتسيا كوميتەتىنىڭ مالىمەتىنشە، 2020 جىلدىڭ 30 ناۋرىزىندا Qatar Airways اۋە كومپانياسى دوحا مەن نۇر-Cۇلتان قالالارى، ال 1 ساۋىردە دوحا جانە الماتى قالالارى اراسىندا العاشقى رەيستى ورىندايدى.

اتالعان رەيستەر بوينگ-787 (Dreamliner) ۇلگىسىندەگى اۋە كەمەسىمەن ورىندالادى. Qatar Airways اۋە كومپانياسى دوحا قالاسىنان نۇر-سۇلتان قالاسىنا اپتاسىنا 2 رەت جانە الماتى قالاسىنا اپتاسىنا 4 رەت جيىلىكپەن Airbus -320 ۇلگىسىندەگى اۋە كەمەسىمەن تۇراقتى جولاۋشىلار رەيستەرىن ورىندايدى. جالپى، Qatar Airways اۋە كومپانياسى قازاقستانعا اپتاسىنا 6 رەت تۇراقتى تۇردە ۇشاتىن بولادى. ەكى ەل اراسىنداعى رەيستەرگە بيلەتتەردىڭ ساتىلىمىن باستاۋ 16 قاڭتارعا جوسپارلانعان.

رەيستىڭ اشىلۋى قازاقستاندىق جولاۋشىلارعا Qatar Airways اۋە كومپانياسىنىڭ 160 باعىتىنا ساپار شەگۋگە مۇمكىندىك بەرەدى.

ايتا كەتەيىك، Qatar Airways - كاتاردىڭ ۇلتتىق اۋە كومپانياسى، الەمدەگى ەڭ ءىرى اۋە كومپانيالاردىڭ ءبىرى. اۋە كەمەلەرىنىڭ پاركى 233 ۇشاقتان تۇرادى. باستى ترانزيتتىك حابى - دوحا قالاسىنداعى حاماد حالىقارالىق اۋەجايى. 2018 جىلدىڭ قورىتىندىسى بويىنشا اۋە كومپانياسى 29 ملن جۋىق جولاۋشى تاسىمالدادى.

 

سوڭعى جاڭالىقتار

ۇقساس جاڭالىقتار