جيىن بارىسىندا اتاۋلى الەۋمەتتىك كومەك كورسەتۋدىڭ جاڭا تەتىكتەرىن ەگجەي-تەگجەيلى ءتۇسىندىرىپ, مۇگەدەكتەرگە ارنالعان الەۋمەتتىك قىزمەتتەر پورتالىن ەنگىزۋدىڭ ارتىقشىلىقتارى تۋرالى ايتتى.
ۆيتسە-مينيستر ۇلان اۋدانىنىڭ حالىقتى جۇمىسپەن قامتۋ ورتالىعىندا ااك تاعايىنداۋعا ءوتىنىش بىلدىرگەن ازاماتتاردان قۇجاتتاردى قابىلداۋ بارىسىمەن, جەرگىلىكتى اتقارۋشى ورگانداردىڭ تابىسى از وتباسىلاردىڭ بالالارىنا كەپىلدىك بەرىلگەن الەۋمەتتىك توپتامامەن قامتاماسىز ەتۋگە دايىندىعىمەن تانىستى. سونىمەن قاتار جەرگىلىكتى حقو-دا بولدى.
وسكەمەن قالاسىندا مەملەكەتتىك ورگاندار وكىلدەرىنىڭ, وبلىستىڭ مۇگەدەكتەر قوعامدىق بىرلەستىكتەرىنىڭ جانە مۇگەدەكتىگى بار ادامداردىڭ قاتىسۋىمەن دوڭگەلەك ۇستەل وتكىزدى. ۆيتسە-مينيستر ءىس-شاراعا قاتىسۋشىلاردى مۇگەدەكتەر كوتەرەتىن ماسەلەلەر جانە ونى شەشۋ بويىنشا قابىلدانىپ جاتقان شارالار تۋرالى حاباردار ەتتى.
«جەكە كومەكشىلەردىڭ قىزمەتتەرىن ۇسىناتىن ۇەۇ-عا كوپتەگەن شاعىم كەلىپ تۇسەدى. اتاپ ايتقاندا, ولاردىڭ قىزمەتى اشىق ەمەس, اكىمشىلىك شىعىندارعا قاراجاتتىڭ 10%-ىن ۇستاپ قالادى, قىزمەتتەرگە ۋاقتىلى تولەمەۋ, جۇمىس ىستەگەن ۋاقىت سانىن دۇرىس باعالاماۋ جانە ت.ب.», دەدى ول.
ە.اۋكەنوۆتىڭ ايتۋىنشا, مۇگەدەكتەر بەلگىلەگەن ماسەلەلەردى شەشۋ ءۇشىن 2015 جىلعى 22 قاڭتارداعى قولدانىستاعى بۇيرىققا جەكە كومەكشىلەردىڭ قىزمەت كورسەتۋىن رەتتەيتىن, جەكە كومەكشىلەردىڭ قىزمەت كورسەتۋلەرى بويىنشا ەڭ كوپ ساعات كولەمىن ايىنا 176 ساعاتتان اسىرماي بەلگىلەۋ; ۇەۇ-نى اكىمشىلىك شىعىندارعا 5%-دان اسىرماي ۇستاپ قالۋدى بولجايتىن نورمالاردى ەنگىزۋ; قىزمەت كورسەتۋدىڭ بىرىڭعاي ستاندارتتارىن جانە جەكە كومەكشىلەرگە قويىلاتىن تالاپتاردى انىقتاۋ بولىگىندە وزگەرىستەر ەنگىزىلەتىن بولادى. بۇل رەتتە, مۇگەدەكتىگى بار ادامداردىڭ ەسكەرتۋلەرىن ەسكەرە وتىرىپ, بۇيرىق جوباسىنان جاقىن تۋىستارىنا جەكە كومەكشىلەر قىزمەتىن كورسەتۋگە تىيىم سالاتىن نورما الىنىپ تاستالدى.
ۆيتسە-مينيستر سونداي-اق 2020 جىلعى شىلدەدەن باستاپ جەكە كومەكشىلەردىڭ قىزمەتتەرى الەۋمەتتىك قىزمەتتەر پورتالىنا اۋىستىرىلاتىنىن, سودان كەيىن شارت مۇگەدەكتىگى بار ادامنىڭ ءوزى جەكە كومەكشىسىمەن نەمەسە ۇەۇ-مەن جاسالاتىنىن جەتكىزدى. قىزمەتتى پورتالعا اۋىستىرۋ باس پروكۋراتۋرا مەن سىبايلاس جەمقورلىققا قارسى ءىس-قيمىل اگەنتتىگى انىقتاعان وسى سالاداعى بۇزۋشىلىقتاردى ازايتۋعا مۇمكىندىك بەرەدى.
«بۇدان باسقا, كوپتەگەن ءوتىنىش مەديتسينالىق-الەۋمەتتىك ساراپتامادان (بۇدان ءارى – ءماس) وتۋگە جانە مۇگەدەكتىكتى بەلگىلەۋگە بايلانىستى. مۇگەدەكتىگى بار ادامدار قولايسىز وڭالتۋ بولجامى بار اۋرۋلار بويىنشا قايتا كۋالاندىرۋدان ءجيى ءوتۋ قاجەتتىگىنە بايلانىستى قولايسىزدىقتاردى بىرنەشە رەت اتاپ ءوتتى», دەدى ە.اۋكەنوۆ. وسى ماسەلەنى شەشۋ ءۇشىن ەڭبەكمينى مەديتسينالىق-الەۋمەتتىك ساراپتاما جۇرگىزۋ قاعيدالارىن ازىرلەدى.
ۆيتسە-مينيستر سونداي-اق وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ۇجىمىمەن كەزدەسىپ, وبلىس اكىمدىگىندە ءوڭىردىڭ قالالارىمەن جانە اۋداندارىمەن جاڭا فورماتتاعى ااك تاعايىنداۋ جانە از قامتىلعان وتباسىلارداعى بالالاردى كەپىلدىك بەرىلگەن الەۋمەتتىك توپتامامەن قامتاماسىز ەتۋ ماسەلەلەرى بويىنشا سەلەكتورلىق سەمينار-كەڭەس وتكىزدى.
