ال ماماندار بيىل جۇكتەمە ءبىرشاما ازايعانىن ايتادى. بۇعان دەيىن 1 دارىگەرگە شاققانداعى قارالۋشى ناۋقاس ۇلەسى 1878 ادامعا دەيىن جەتسە, ەندى بۇل كورسەتكىش 1717 تۇرعىنعا ازايعان. الايدا جۇكتەمەنىڭ ازايۋى ايماقتاعى باسى اۋىرىپ, بالتىرى سىزداعان ادام سانىنىڭ كەمۋىنەن ەمەس, دەنساۋلىق ساقتاۋ مەكەمەلەرىنىڭ وڭتايلاندىرۋىنا قاتىستى وزگەرگەن ەكەن. مىسالعا, وبلىستاعى مەديتسينالىق قىزمەت كورسەتەتىن اۋماقتار ۇلەسى 543 ۋچاسكەلىك بولىكتەن 816 ۋچاسكەلىك بولىككە دەيىن ۇلعايعان. ناتيجەسىندە, جالپى تاجىريبە دارىگەرىنىڭ جۇكتەمەسىن ازايتۋعا مۇمكىندىك تۋدى.
جالپى, قازىرگى كۇنى الماتى وبلىسىندا 122 جالپى تاجىريبە دارىگەرى جەتىسپەيدى. وبلىستاعى كادر تاپشىلىعىن شەشۋ ءۇشىن دارىگەر دايىندايتىن جوعارعى وقۋ ورىندارىمەن تىعىز قارىم-قاتىناس ورناعان. قاجەتتى ماماندى وقىتۋ ءۇشىن وبلىستىق بيۋدجەتتەن 18 ملن تەڭگە قارجى قارالىپتى. بيىل 47 جاس دارىگەر الماتى قالاسىنداعى مەديتسينالىق ءبىلىم بەرەتىن وقۋ ورىندارىن ءتامامداپ, جۇمىسقا كەلمەكشى.
الماتى وبلىسى
