قازاقستاندىق تەننيسشى العاشقى اينالىمدا وسى جارىستىڭ بەسىنشى, الەمنىڭ 31-راكەتكاسى, امەريكالىق تەيلور فريتتسپەن كەزدەستى. ءبىرىنشى پارتيا بارىسىندا برەيك جاساي بىلگەن ا.بۋبليك سول باسىمدىلىعىن ۋىسىنان شىعارعان جوق – 6:4.
ەكىنشى پارتيا الدەقايدا تارتىستى ءوربىپ, تاي-برەيككە ۇلاستى. مۇندا دا قازاقستاندىق سپورتشى ەسەسىن جىبەرمەدى – 7:6 (7:4). باسەكە 1 ساعات 39 مينۋتقا سوزىلدى. ماتچ بارىسىندا قازاقستاندىق تەننيسشى 18 ەيسكە قول جەتكىزدى.
ا.بۋبليك ت.ءفريتتستى وسىمەن ەكىنشى رەت تىزە بۇكتىرىپ وتىر. ا.بۋبليك ەكىنشى اينالىمدا ارگەنتينالىق, رەيتينگتە 50-ورىنداعى حۋان يگناسيو لوندەرو نەمەسە الەمنىڭ 42-راكەتكاسى, ۇلىبريتانيالىق دەنيەل ەۆانستىڭ بىرەۋىمەن شەبەرلىك بايقاسادى.
ەرلەر جانە ايەلدەر اراسىندا ءوتىپ جاتقان اتالمىش جارىس 18 قاڭتاردا مارەگە جەتەدى.
