اۋدان اكىمى جولان وماروۆپەن جانە «قازاۆتوجول» وكىلدەرىمەن كەزدەسۋ بارىسىندا رەسپۋبليكالىق ماڭىزى بار الماتى-تالعار-ەۆگەنەۆكا اۆتوموبيل جولىن جاڭارتۋ جانە كەڭەيتۋ ماسەلەسى بويىنشا دەپۋتاتتىق ساۋالدىڭ ورىندالۋ قورىتىندىسى قارالدى.
پوليتسيا باسقارماسىنىڭ جەكە قۇرامىنىڭ قاتىسۋىمەن وتكەن سەمينار - كەڭەستە سەناتور قۇقىق قورعاۋ ورگاندارى جۇيەسىندە جۇرگىزىلىپ جاتقان جاڭا رەفورمالار تۋرالى ايتىپ, ءىىم رەفورماسىنا ءۇش جىل ىشىندە 1,73 ملرد.تەڭگە بولىنەتىنىن حابارلادى. شاراعا قاتىسۋشىلار قۇقىق قورعاۋ جۇيەسىن ودان ءارى رەفورمالاۋعا قاتىستى باسقا دا بىرقاتار ماسەلەلەردى تالقىلادى. كەزدەسۋ بارىسىندا كادرلاردىڭ, اسىرەسە ۋچاسكەلىك پوليتسيا ينسپەكتورلارىنىڭ جەتىسپەۋشىلىگى سياقتى پروبلەمالىق ماسەلەلەر كوتەرىلدى. وسىعان بايلانىستى حالىق سانىن ەسكەرە وتىرىپ, شتات سانىن قىسقارتۋدىڭ وڭتايلى جۇيەسىن پىسىقتاۋ قاجەتتىگى, سونداي-اق پوليتسيا عيماراتىنىڭ قاناعاتتانعىسىز جاعدايىنا نازار اۋدارۋ كەرەكتىگى ايتىلدى.
سول كۇنى ورتالىق اۋداندىق اۋرۋحانانىڭ دارىگەرلەرىمەن دە كەزدەسۋ بولدى. سەناتور اۋرۋحاناداعى وزەكتى ماسەلەلەرىمەن تانىستى. جەدەل جاردەم بريگادالارىنىڭ 2 جانە ودان دا كوپ ساعاتقا دەيىن كەشىگۋىنە بايلانىستى تۇرعىنداردىڭ شاعىمدارىن ەسكەرە وتىرىپ, اكىمشىلىك جەدەل جاردەم قىزمەتىن اۋداندىق اۋرۋحانانىڭ قاراماعىنا قايتارۋ ماسەلەسىن قاراستىرۋدى ءوتىندى. سونداي-اق ورتالىق اۋرۋحانانىڭ ماتەريالدىق-تەحنيكالىق جابدىقتالۋىنا قاتىستى جاعدايلار, ونىڭ ىشىندە مۇنداعى پارك 4 جىلدان بەرى جاڭارتىلماعانى ايتىلدى. مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ ماسەلەسى, ونىڭ ىشىندە تۇرعىندار اراسىندا حاباردار ەتۋ جۇمىستارىنىڭ جەتكىلىكسىزدىگى قوزعالدى. كەزدەسۋدە سونداي-اق قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان جاڭا مەملەكەتتىك باعدارلاماسى تالقىلاندى, دارىگەرلەردىڭ پىكىرىنشە, بۇل سالادا كوپتەگەن ماسەلەلەر بار.
